Bul týraly oblystyq klınıkalyq aýrýhanasynyń ınfeksıonıst-dárigeri Tatıana Qasymova málimdedi. Al oblystyq Qoǵamdyq densaýlyq basqarmasynyń shtattan tys bas epıdemıolog - dárigeri Gúlnar Tólepova koronavırýstyń taralýyna jol bermeý úshin turǵyndar ustanýlary tıis profılaktıkalyq sharalardy, ıaǵnı saqtaný joldaryn túsindirdi.
«Álemdi alańdatyp otyrǵan vırýspen kúreste qoldy sabynmen jıi jáne muqııat jýý, adamdar kóp jınalatyn jerlerge barmaý, naýqas adamdarmen (JRVI) qarym-qatynasta bolmaý, dene qyzýynyń kóterilýi, jótelý, qıyn demalý belgileri bolsa 103 nómiri arqyly jedel medısınalyq kómek shaqyrý qajet» dedi G.Tólepova.
Qoǵamdyq densaýlyq basqarmasynyń shtattan tys reanımatology Vıacheslav Saı dárigerler búkil álemdi dúrliktirgen indetke qarsy birneshe ret oqý kýrstarynan ótkenin aıtyp ótti. Sondaı-aq qosymsha suraqtar týyndaǵan jaǵdaıda turǵyndarǵa 1406 telefony jáne óńir boıynsha 109 nómiri arqyly shuǵyl aqparattyq ortalyǵyna habarlasýlaryna bolatynyn jetkizdi.
Túrkistan oblysy
