Onyń aıtýyna qaraǵanda, koronavırýs Reseı Federasııasynan 23 naýryz kúni keshke poıyzben úıine kelgen qyzdyń boıynan tabylǵan. Ol 24 naýryz kúni temperatýrasy 37,6 gradýs bolyp, basy aınalyp turǵany jóninde jedel járdemge habarlaǵan. Jedel jetken medısına qyzmetkerleri qyzdy tekserip jibergende onyń vırýsty juqtyrǵanyn anyqtaǵan. Alaıda sońǵy qorytyndyny aıtý úshin barlyq derek Almatydaǵy mamandarǵa jóneltilgen.
Qazir qyzben sóılesken, aralasqan adamdardyń bári de anyqtalyp, oqshaýlanǵan. Sonyń ishinde shekaralyq bekettiń 13 qyzmetkeri de oqshaýlaǵyshqa jetkizilgen. Qyz otyrǵan vagonnyń barlyq jolaýshylary anyqtalyp, baqylaýǵa alynǵan. Olardyń boıynda koronavırýstyń bar-joǵy tekserilýde. Qyzdyń ózi úıinde anasymen ǵana qatynas jasaǵany belgili bolyp otyr. Qazir anasy da tekserilýde.
Búgingi tańda vırýs juqtyrǵan qyzdyń jaǵdaıy qanaǵattanarlyq, birqalypty, temperatýrasy túsken. Esh jeri aýyrmaıtyn kórinedi. Biraq ol oqshaýlanǵan rejimde biraz ýaqyt bolady.
Sonymen birge Tımýr Sultanǵazıev oblystyń indetke qarosy kúresi týraly da shaǵyn málimet berdi. Aıtýyna qaraǵanda, qazir ınfeksııalyq stasıonarda 65 oryn oqshaýlanyp, túsip qalýy múmkin naýqastardy qabyldaýǵa daıyn. Sonymen qatar 500 oryn karantındik stasıonar da jabdyqtalǵan. Medısınalyq qyzmetkerlerdiń bári vırýsty qaıtarýdyń joldaryn oqyp-úırengen. Kıimderi men quraldary da saı. Biraq áıteýir halyq jamandyqtyń aýlaq ketkeni durys dep tilep, tazalyqty qatań saqtaýlary kerek dep sózin qorytty ol.
Soltústik Qazaqstan oblysy
