Qoǵam • 25 Naýryz, 2020

Almaty: Qosymsha shekteý sharalaryn engizýge májbúr

62 retkórsetildi

Búgin Almatyda profılaktıkalyq jáne epıdemııaǵa qarsy qosymsha shekteý sharalaryn engizýge baılanysty kezekti onlaın-brıfıng ótti.

Almaty qalasynyń aýmaǵynda koronovırýstyq ınfeksııanyń (COVID-19) taralýyn boldyrmaý úshin Almaty qalasynyń Jedel shtaby QR Prezıdentiniń janyndaǵy tótenshe jaǵdaı rejımin qamtamasyz etý jónindegi memlekettik komıssııanyń kelisimimen bıylǵy 26 naýryzdan bastap, buryn belgilengen shekteýlerdi saqtaı otyryp, qosymsha shekteý sharalaryn engizýge sheshim qabyldady. 

Osylaısha, tótenshe jaǵdaı aıasynda, karantın rejımi kezeńinde Almaty qalasynda aǵymdaǵy jyldyń 26 naýryzynan bastap qosa alǵanda kelesi saýda jáne qyzmet kórsetý nysandarynyń jumysy toqtatylýy tıis:

- azyq-túlik emes saýda oryndary (2000 sharshy metrden kem), jeke turǵan azyq-túlik emes dúkender, sondaı-aq avtosalondar, avto qosalqy bólshekter satatyn salondar jáne gúl pavılondary;

- qyzmet kórsetý salasynyń nysandary: hımııalyq tazalaý, kir jýý oryndary, fotoatele, fotosalondar, optıka, lombard, jyljymaıtyn múlik agenttigi, kólik jýý, tehnıkalyq qyzmet kórsetý stansııalary;

Sondaı-aq sanıtarlyq-epıdemııaǵa qarsy sharalardy kúsheıte otyryp qoǵamdyq tamaqtaný nysandarynda «klıentterge jetkizip berý» qaǵıdasy (22.00-ge deıin) boıynsha osyǵan deıin bekitilgen jumys tártibi saqtalady.

Sonymen birge mynadaı nysandar jabyldy:

- azyq-túlik satpaıtyn saýda bazarlary;

- azyq-túlik pen dári-dármek satatyn nysandardy qospaǵanda, iri saýda oıyn-saýyq ortalyqtary, saýda úıleri, olardyń aýmaǵynda jáne jeke ornalasqan kınoteatrlar, balalar ortalyqtary, kez kelgen basqa da saýyq quratyn ortalyqtar (bılıard zaldary, karaoke, boýlıng ortalyqtary, kompıýter jáne ınternet-klýbtar jáne basqalary);

- keıbir qyzmet kórsetý nysandary: sulýlyq salony, shashtaraz, massaj kabınetteri, monshalar, saýnalar, SPA ortalyqtary, akvaparkter, basseınder, solıarıı (kúnshýaq), tır atatyn atys alańdary, fıtnes-zaldar, jattyǵý zaldary, sondaı-aq, ıogamen aınalysatyn zaldar, sport klýbtary jáne basqalary.

Sonymen qatar, qalada azyq-túlik taýarlaryn, dári-dármek preparattaryn satatyn nysandar jáne joǵaryda atalǵan shekteýler qoldanylmaıtyn basqa da obektiler jumysyn jalǵastyrýda.

Bul sharalardyń barlyǵy Almatyda qozǵalys belsendiligin tómendetý arqyly qala turǵyndaryn COVID-19 vırýsyn juqtyrýdan barynsha qorǵaýdy kúsheıtýge baǵyttalǵan. Sonymen birge COVID-19 taralýyn boldyrmaý boıynsha shet elderdegi sátti mysaldar eskerildi.

Almaty qalasynyń ákimdigi qalanyń barlyq turǵyndary men kompanııalaryn sanıtarlyq jáne dezınfeksııalyq sharalardy saqtaı otyryp, barynsha oqshaýlanýǵa jáne qashyqtan jumys isteý rejımine kóshýge shaqyrady.

 

ALMATY

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar