Al 2018 jyly farmasevtıkalyq sala boıynsha elimizdegi mańyzdy jobalar qatarynda "MERÝSAR jáne K" JShS-na mınıstrlik tarapynan ISO 13485-2003 halyqaralyq standartyna sáıkes ónimder shyǵarýdy kóbeıtý arqyly óndiristi keńeıtý tapsyrylady.
- Biz betperdeni Shyǵys Qazaqstan oblysy, Kýrchatov qalasyndaǵy kásiporynda daıyndap keldik. О́tken jyldyń sońynda osyndaǵy «Iаdrolyq tehnologııalar parkiniń» ishinde ornalasqan avtomatty túrde jumys jasaıtyn negizgi qondyrǵy isten shyǵyp qaldy. Sondyqtan, qazir ázirge tigin máshınkelerinde qolmen tigýdemiz, - deıdi kompanııa basshysy Marat Mahanov.
О́ndiris aýqymy keńeıgen kompanııanyń 2010 jyly Kýrchatov qalasyndaǵy «Iаdrolyq tehnologııalar parki» AQ-da fılıaly ashylady. Pavlodardaǵy kásiporyn óndiretin ónimniń biraz bóligi osynda jasalady.
Bir táýlikte etılenoksıdtiń kómegimen gaz bokstarynda mindetti túrde sterılızasııalaýdan ótetin 5 myń betperde daıyndalady.
Sodan keıin oblys ortalyǵyndaǵy aýrýhanalar, emhanalarǵa, dárihanalarǵa túsedi. Betperdeler jasaıtyn shıkizat ónimderi Reseıden jetkiziledi. Matalardyń tyǵyzdyǵy 15, 26, 20 bolyp bólinedi de, 3 qabatty da betperdeler daıyndalýda.
Bir tiginshi kúnine shamamen 500-1000 betperde tigedi. Tiginshilerdiń aıtýynsha, bir betperde tigýge 2-3 mınýttaı ýaqyt ketedi eken. Eki aýysymmen jumys istep, kólemi 175*19 standartty betperdeler jasap shyǵarýda. Betperdeniń satylym baǵasy 65 teńge.
- Negizgi qondyrǵymyz iske qosylǵansha biraz kúte turýǵa týra keler. Sondyqtan osyndaı ýaqytta eger ózge jergilikti kásipkerler de betperde tigýmen aınalysqylary kelse, bólise de alamyz. Qazir «Neftehım LTD» JShS betperde tigý úshin matany bizden aldy. Qajetti shıkizat qory jetkilikti, - deıdi Marat Mahanov.
Kásiporyn 2011 jyly ashylǵan kúnnen bastap qalyptasyp, damyp, medısınalyq maqsatta kıim shyǵaratyn memlekettik baǵdarlamalarǵa qatysady.
Elimiz otandyq taýar óndirýshilerine qoldaý kórsetý jáne olardyń damýyna jan-jaqty jaǵdaı jasaýdy qolǵa alýda.
2018 jylǵa deıin otandyq taýar óndirýshi toqymaǵa jatpaıtyn, quramynda jasandy jibek pen maqta bolmaıtyn materıaldardan medısına men kosmetologııaǵa arnalǵan zalalsyzdandyrylǵan jáne zalalsyzdandyrylmaǵan jıyntyqtar túrlerin shyǵaryp keldi.
Sóıtip, kásiporynda jańa qurylǵylar kesheniniń arqasynda ónimdilik birneshe ret ósti. Avtomatty jeli qurylǵysy 1 myń sharshy metr mata materıaldaryn dálme-dál kesip beredi. Jabdyqtardy jańǵyrtý baǵdarlamasy zaýytta kezeń-kezeńmen júzege asyrylýda.
- Qazir barlyq medısınalyq mekemeler bir rettik paıdalanýǵa arnalǵan buıymdar jasaıdy. Bizdiń kompanııada óndiris 15-20 paıyzy avtomattandyrylǵan. Aldaǵy ýaqytta avtomatty jelilerdi iske qosýdy josparlap otyrmyz. Balalar kıimin shyǵaryp, balalar kıimine arnalǵan dúken de ashqymyz keledi, - deıdi Marat Mahanov.
Kásiporynnyń ónimderine tapsyrys berýshilerdiń qatarynda Nursultandaǵy ortalyq klınıkalyq aýrýhana, Pedıatrııa ǵylymı ortalyǵy, «Respýblıkalyq dıagnostıkalyq ortalyǵy» AQ, Neırohırýrgııa ortalyǵy sııaqty ortalyqtar bar.
Jýyrda oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti óńirdegi jiti respıratorlyq vırýstyq ınfeksııa men tumaýdyń aldyn alý maqsatynda tórt jaqty kelisimshartqa qol qoıyldy.
Bul rette dári men medısınalyq betperde baǵasynyń ósýine jol bermeý maqsatynda oblys ákimdigi, oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti, oblystyq densaýlyq saqtaý basqarmasy jáne oblystyq «QazMedFarm» farmasevter men dárigerler qaýymdastyǵy arasynda memorandým jasaldy.
Pavlodar oblysy
Sýretti túsirgen: Qýandyq Tanabas
