Joba boıynsha jumys ótken jyly shildede bastaldy. Osy ýaqyt aralyǵynda jolshylar qumdy-qıyrshyq tasty qospalardan uzyndyǵy 550 metr bolatyn jol negizi men jabyndysyn tósep, aryq naýalaryn uıymdastyrý jumystaryn júrgizdi. Qurylys alańynyń aýmaǵyn ýaqytsha qorshady.
Joba Buqtyrma kóshesiniń boıynda uzyndyǵy 570 metrdi quraıtyn úńgirtaýy, Qulja tas jolynda uzyndyǵy 783 metr bolatyn estakadasy jáne osy kósheler qıylysynda aınalma qozǵalysty uıymdastyrýǵa arnalǵan rampa bóligi bar úsh deńgeıli jol aıyryǵy qurylysyn qarastyrady.
Jobanyń bas merdigeri – «Bazis Construction» JShS. Quny – 20,2 mlrd teńge. Jolaıyryq Almatynyń soltústik-shyǵys bóligine túsiriletin júktemeni azaıtady. Qurylys jumystary nátıjesinde joldyń ótkizý múmkindigi 15–20% artady. Kelisimshartqa sáıkes jumystar 2022 jylǵy aqpanda aıaqtalady dep josparlanǵan.
Eske sala keteıik, Qulja tas joly men Rysqulov kóshesi qıylysyndaǵy jolaıyryǵy 2019 jyldyń jeltoqsan aıynda paıdalanýǵa berildi. Atalǵan jobanyń bas merdigeri «Bazis Construction» JShS boldy. Quny 20,3 mlrd teńgeni qurady. Eki deńgeıli jolaıyryǵy qaýipsizdik pen seısmıkalyqtyń joǵary deńgeıli standarttaryna saı ekenin aıta ketý kerek.
