Saıasat • 26 Naýryz, 2020

Qamqorshylar keńesiniń quramy jarııalandy

39 retkórsetildi

Elordada koronavırýspen kúres jaǵdaıynda halyqtyń muqtaj tobyna qoldaý kórsetý maqsatynda Elbasy Nursultan Nazarbaevtyń bastamasymen qurylǵan «Birgemiz» qoǵamdyq qorynyń Qamqorshylar keńesiniń alǵashqy otyrysy ótti.

Jıyn barysynda Qordyń qamqorshylar keńesiniń quramy jarııalandy. Oǵan belgili qoǵam jáne memleket qaıratkerleri, azamattyq qoǵam ókilderi men jastar kirdi.

Qor quryltaıshylary jı­nalysynyń sheshimi boıynsha Qamqorshylar keńesiniń quramyna: Keńes tóraǵasy – Nur Otan partııasy Tóraǵasynyń birinshi orynbasary Baýyrjan Baıbek, Keńes tóraǵasy orynbasary – Tuńǵysh Prezıdent Qorynyń atqarýshy dırektory Qanat Jumabaev, Qamqorshylar keńesiniń hatshysy – jýrnalıst, «Bas redaktorlar klýbynyń» prezıdenti Bıbigúl Jeksenbaı, keńes músheleri – Parlament Senatynyń depýtattary Nur­tóre Júsip pen Olga Pere­pe­chına, Parlament Májilisiniń de­pýtattary Nurlan Ábdirov pen Baqtyqoja Izmuhambetov, «Volonterler lıgasy» qoǵamdyq qorynyń tóraıymy Aısulý Ernııazova, «Ulttyq volonterler jelisi» zańdy tulǵalar birlestiginiń tóraıymy Vera Kım, «Mır cherez dýhovnost» qoǵamdyq birlestiginiń tóra­ıymy Sáýle Muqashova, «Ulttyq ǵylymı kardıohırýrgııa orta­lyǵy» AQ basqarma tóraǵasy Iýrıı Pıa jáne «Altyn Kyran» halyqaralyq qaıyrymdylyq qorynyń prezıdenti Islambek Saljanov kirdi.

Qordyń joǵary basqarý organy – Quryltaıshylardyń jalpy jınalysynyń tóraǵasy Premer-Mınıstrdiń orynbasary Eraly Toǵjanov boldy.

«Birgemiz» qorynyń bas­qar­ma tóraǵasy Rýslan Sakeev qorǵa Nur Otan partııasynyń jan-jaqty kómegi qajet ekenin atap kórsetti. О́ıtkeni qoǵamdyq birlestiktiń árbir óńirde fılıaly jumys isteıdi, qajetti materıaldyq-tehnıkalyq baza­ǵa ıe jáne Jas Otan jastar qa­na­tynyń keń aýqymdy volonterler jelisi bar.

«Birinshi otyrysty biz Nur Otan partııasynyń qabyr­ǵa­synda ótkizip otyrmyz, óıtkeni onyń múmkindikterine súıengimiz keledi. Elbasynyń qoldaýymen qorǵa qarajat túsip jatyr, al halyqtyń aýqymdy bóligimen tıim­di jumys júrgizý úshin bizge ınfraqurylym, zor uıym­das­tyrý tájirıbesi jáne adamdar qajet. Bul atalǵandardyń basym bóligi búginde tek partııada ǵana bar», dep atap ótti R.Sakeev.

Jańadan qurylǵan qoǵam­dyq qorǵa eldiń iri bıznes ókil­­derinen 40 mln dollardan astam qarajat jınaldy. Bul qara­jat Qamqorshylar keńesiniń sheshimimen halyqtyń áleýmettik osal toptaryna ataýly kómek kórsetýge baǵyttalatyn bolady. Qazir kómek túrleri men ony alýshylar sanattaryn anyqtaý bo­ıynsha jumys bastaldy.

О́z kezeginde B.Baıbek Qam­qor­shylar keńesi atynan El­basy úndeýine qoldaý kórsetken bıznesmenderge alǵys aıtyp, qa­zaqstandyqtardyń birlese oty­ryp kez kelgen daǵdarysty eńse­retinine senimdiligin bildirdi.

«Elbasy, Nur Otan Tóraǵasy Nursultan Nazarbaevtyń tapsyrmasy boıynsha biz ózimizdiń barlyq uıymdyq jáne medıa resýrstarymyzdy qordyń tıimdi jumys isteýi úshin aqysyz negizde usynamyz», dedi B.Baıbek.

Memleket basshysy Qasym-Jomart Toqaev jarııalaǵan «Biz birgemiz!» jalpy respýblıkalyq aksııasy aıasynda «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary jelisi bo­ıynsha halyqtyń ártúrli toptaryna áleýmettik kómek kórsetý qor qurylǵanǵa deıin bastalyp ketkenin atap ótken jón.

Elbasynyń tapsyrmasy bo­ıynsha Nur Otan partııasy karantın jarııalanǵan Nur-Sultan jáne Almaty qalalaryndaǵy jalǵyz basty qarttarǵa, múge­dek­terge jáne turmysy tómen kóp balaly otbasylarǵa ataý­ly kómek kórsetý úshin 150 mln teńge bóldi. Koronavırýs inde­tiniń taralýyna qarsy kúreske Elbasynyń sheshimimen Tuńǵysh Prezıdent Qory taǵy da 200 mln teńge baǵyttady.

Búginde Jas Otan volonterleri men partııa belsendileri halyq­tyń áleýmettik osal sanattaryn antıseptık jáne gıgıena quraldarymen, birinshi kezektegi qajetti taýarlarmen qamtamasyz etýde. Tek sońǵy tórt kúnde búkil el kóleminde 7 myńǵa jýyq otbasyna 130 mln teńge somaǵa áleýmettik kómek kórsetildi.

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar