Sport • 26 Naýryz, 2020

Shaıbaly hokkeı: Jeńimpazdy turaqty birinshiliktiń qorytyndysy boıynsha anyqtaýdy usyndy

22 retkórsetildi

Bıyl Qurlyqtyq hokkeı lıgasynyń (QHL) jeńimpazyn anyqtaý múmkin bolmaı tur. Sebebi, koronavırýsqa baılanysty pleı-off dodasy toqtaldy. Endi onyń qashan jalǵasatyny belgisiz.

Kúlli álemdi dúrliktirgen indettiń beleń alǵan tusynda Helsınkıdiń «Iokerıti» men Nur-Sultannyń «Barysy» Gagagrın kýbogy jolyndaǵy jarysty jalǵastyrýdan bas tartty. Kóp uzamaı QHL basshylyǵy jaǵdaı tolyqtaı turaqtaǵansha týrnırdi ýaqytsha toqtata turý týraly sheshim qabylady. Biraq qaýiptiń seıiletin túri joq.

Osy jaǵdaıǵa baılanysty KSRO-nyń dańqty hokkeıshisi, úsh dúrkin Olımpıada jáne toǵyz dúrkin álem chempıony Vıtalıı Davydov QHL-dyń bıylǵy maýsymynyń jeńimpazyn turaqty birinshiliktiń qorytyndysy boıynsha anyqtaýdy usyndy.

–Turaqty birinshiliktiń jarys kestesinde alǵashqy úsh oryndy ıelengen komandalarǵa tıesili júldelerdi tabys etý qajet. Al Gagarın kýbogy eshkimge berilmeıdi. Meniń oıymsha eń durys varıant osy, - deıdi Vıtalıı Davydov.

Eger jeńis tuǵyryna kóteriletinder joǵaryda atalǵan prınsıp boıynsha anyqtalatyn bolsa, onda bas júlde Máskeýdiń SSKA klýbyna tabystalýǵa tıis. Áskerıler 94 upaı jıyp, jarys kestesinde kósh bastady. Ekinshi oryndy «Aq Barys» ıelenedi. Qazandyq komanda SSKA-dan bir upaı kem jıdy. Qorjynynda 93 upaıy bar Sankt-Peterbýrgtiń SKA-sy úshinshi satyǵa taban tireıdi.  Al  Nur-Sultannyń «Barysy» turaqty birinshilikte tórtinshi oryndy enshilegen bolatyn. Jerlesterimiz 84 upaıdy qorjynǵa saldy. 

 

 

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar