«Biz Qytaıdan satyp alǵan testti qoldanyp jatyrmyz. Sany jetkilikti, jaqynda 60 myń danasyn aldyq. Kelesi aptada taǵy 150 myń test alý josparda bar. Qoldanysyna keletin bolsaq, shetelden kelgen azamattar men vırýs juqtyrǵan adammen baılanysta bolǵandardy tekseremiz. Profılaktıkalyq shara retinde kez kelgen adam óte almaıdy. Bul dıagnostıkalyq test bolǵandyqtan, sımptomdary bolǵan jaǵdaıda ǵana qoldanylady. Vırýs anyqtalǵan adammen baılanysta bolmaǵan, 1A nemese 1B sanatyndaǵy elderden kelmegen adamdarda aýrýdyń sımptomdary baıqalmaı, bul testti tapsyrǵannan esh paıda bolmaıdy. Tek teris nátıje kórsetedi, al ol bizge esh dıagnostıkalyq aqparat bermeıdi»,- dedi Lıýdmıla Bıýrabekova.
Saraptamany júrgizýge 7-8 saǵat ýaqyt ketedi eken. Al test tapsyrǵan adamdar ádette nátıjesin 12 saǵatta bile alady.
