Aımaqtar • 26 Naýryz, 2020

Mal bordaqylaǵan mıllıoner bolady

1153 retkórsetildi

Derekke súıensek, búginde Almaty oblysyndaǵy iri qara maldyń basy 1 mıllıonnan asady eken. Al esepke alynǵan ýaq jandyqtyń úlesi 4 mıllıon bastyń ústinde kórinedi. Iаǵnı, Jetisýdyń oıy men qyryna órip shyǵatyn tórt túliktiń jalpy sany jetkilikti. Endigi mindet tuıaqty túliktiń basyn kóbeıtip qana qoımaı, mal sharýashylyǵy ónimderin óndirýdi jolǵa qoıý bolyp otyr.

Qazir oblysta sharýalar arasynda mal bordaqylaý alańdaryn ashýǵa ynta joǵary. О́ıtkeni, mal basyn kóbeıtýge ketken shyǵynnyń eki jaǵdaıda ǵana jyldam óteletinin jurt biledi. Birinshiden, maldyń kúıli bolýy ettiń sapasy men salmaǵyna áser etedi. Sondyqtan, iri qarany izinen qalmaı baqqannan góri, maldy bir ortalyqta ustap jemdeýdiń tıimdiligi joǵary. Tájirıbe boıynsha, jaıylymda 3 aı boıyna erkin júrip et jınaǵan maldyń kúıine qaraǵanda 1 aıǵa jeter-jetpes merzimde bordaqylanǵan maldyń salmaǵy men ettiligi joǵary bolady eken. Ekinshiden, mal sharýashylyǵynda tuqym asyldandyrý isi nátıjeli bolyp tur. Sharýanyń eskeretin basty ustanymynyń biri osy bolsa kerek. Anyǵynda, soıysqa arnap ósirgen maldyń etti bolýy tıimdi, al sút óndirý baǵytyndaǵy saýyn malynyń tuqymyn asyldandyrý kóp oılanýdy kótermese kerek-ti. Súıinerligi, jetisýlyq sharýalar osy negizgi baǵytty da damytyp otyr.

Sózimizge Panfılov aýdanyndaǵy «Esenbai» sharýa qojalyǵynyń tirshiligi dálel. Qojalyq 2015 jyldan beri mal sharýashylyǵyn ilgerletýge kúsh salyp keledi eken. Búginde 600 basqa arnalǵan mal bordaqylaý alańy jumys isteıdi. Qora-jaıdaǵy tirlikti 7 jumysshy tyndyrady, qajetti 7 tehnıka taǵy bar. Byltyr qojalyqtyń arnaıy alańynda 600 bas ógizshe jemdelip, bordaqylanǵan. Áýelgide tirideı salmaǵy 200-250 kılogrammnan aspaıtyn iri qara jemdeýden keıin 500-550 kılogrammǵa deıin et jınapty. Iаǵnı, bordalanǵan ógizsheniń ár basy 60-80 myń teńgege deıin taza tabys ákelgen. Al qojalyqtyń ótken jylyǵy taza tabysy 42 mıllıon teńgeni qurapty. Daıyn etti oblys pen Almaty qalasynyń tutyný naryǵyna jóneltken eken.

- Bıyl taǵy 600 bas ógizsheni bordaqylaý alańyna baıladyq. Isimizdiń tabysty bolaryna senemiz. Sharýashylyqtyń irgesin keńeıtip, bordaqylaý alańynan bólek et daıyndaıtyn óndiris iske qossaq deımiz. Bıyl ákimshilik qosymsha jer bólse, maldy ózimiz soıyp, etti óńdep, daıyn ónim jasaıtyn kásiporyn ashý josparymyzda bar. Bolashaqta otandyq naryqqa ǵana emes, shet elderge de et eksportyn jolǵa qoıýdy maqsat ettik. Al kásiporynǵa jumsalatyn qarjyny óz esebimizden shyǵarýǵa daıynbyz, - deıdi «Esenbai» sharýa qojalyǵynyń basshysy Nurkamal Nurahmet.

Et eksporty demekshi, byltyr Almaty oblysy 8 myń tonna etti alys-jaqyn shetelge jóneltken. Qýanyshtysy, otandyq agroónerkásip mal etin tirideı nemese soıylǵan kúıinde ǵana emes, tolyqtaı óńdelgen ónim túri retinde de eksporttaı bastady. О́tken jyly Jetisýda iske qosylǵan eki iri kásiporyn – «Imperııa Fýd» jáne «Qaıyńdy» et kombınattary soıylǵan maldyń etin tolyqtaı óńdep, súıegi men terisine deıin iske jaratatyn qaldyqsyz óndiris kózine aınaldy. Al oblys boıynsha bıylǵy et eksportynyń mejesi 25 000 tonnaǵa deıin jetedi degen úmit bar.

 

Almaty oblysy

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar