Aımaqtar • 26 Naýryz, 2020

Qyzylorda: Qalalyq shtabtyń jumysy qaýyrt

187 retkórsetildi

Qyzylorda qalasynda tótenshe jaǵdaıǵa baılanysty qurylǵan jedel shtab ókilderi turǵyndar arasynda túsindirý jumystaryn júrgizýmen qatar indettiń aldyn alýǵa da úles qosýda. Keshe qalalyq jastar resýrstyq ortalyǵy janynan qurylǵan eriktiler toby bazarlar men saýda oryndarynda, temir jol vokzaly men avtovokzalda tegin medısınalyq betperde taratty. Osy kúni «Ajar sıtı» saýda ortalyǵy da óz tutynýshylaryna betperde úlestirdi.

Sonymen qatar, taýarlar men kórsetiletin qyzmetterdiń sapasy men qaýpsizdigin baqylaý basqarmasy ókilderi sanıtarlyq talaptardy saqtaý týraly túsindirme jumystaryn júrgizse, qalalyq tótenshe jaǵdaılar basqarmasy mamandary dybys kúsheıtkish arqyly halyq kóp shoǵyrlanatyn oryndarda  qaýipsizdik sharalaryn saqtaý, tótenshe jaǵdaı kezindegi talaptar men jaýapkershilikter týraly habarlandyrý jasady.

Aıta ketý kerek, qalalyq jedel shtab 16 naýryzdan bastap, kóńil kóterý oryndary, meıramhanalar, dámhanalar jáne ózge de qoǵamdyq oryndarda túngi reıd jumystaryn kúndelikti júrgizýde.

Búgingi kúnge deıin QR «Ákimshilik quqyq buzýshylyq týraly» Kodeksiniń 476-baby boıynsha 19 hattama toltyrylyp, is sotqa joldandy, olardyń 14-ne qatysty sot sheshimi shyǵaryldy.

Onyń, ishinde 12 dámhana-restoran ıelerine 10 AEK kóleminde aıyppul salynsa, talapqa baǵynbaǵan 1 kásipker 5, taǵy biri 7 táýlikke qamaýǵa alynǵan.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar