Aımaqtar • 26 Naýryz, 2020

SQO TJ qutqarýshylary «Naýryz 2020: «Biz sizdermen árqashan birgemiz» uranymen jumys isteýde

20 retkórsetildi

Onyń mánisi: qaýipti jaǵdaıǵa túskenderdi árqashan qutqaramyz degenge saıady. Úıde otyryp erikken balyqshylar qazir qaýipti jaǵdaıǵa, muzdyń juqarýyna qaramaı japadan-jalǵyz otyrǵan kerek bolsa, oıyqta otyramyn degen syltaýmen jappaı balyqqa shyǵyp ketti. TJ departamentiniń qyzmetkerleri osyǵan alańdap, balyq aýlanatyn sý qoımalaryn tekserý jumystaryn jasaýda. Al ondaılar Soltústik Qazaqstanda óte kóp, 2 myńnan asady. Sonyń ishindegi eń úlkeni - Esil ózeniniń boıy.

Bizdiń kónbis balyqshylar basqaǵa jomart bolsa da, ózderin qutqaratyn jıletter alýǵa asyqpaıdy. Al Skandınavııanyń birde-bir balyqshysy mundaısyz muz betine shyqpaıdy eken. Eger muz jarylyp, balyqshy sýǵa batyp bara jatsa, qutqarýshy jılettiń qarmaqtary muzǵa jabysyp, ıesin tuńǵıyqqa ketýden saqtap qalady eken. Bul ýaqytta ıesi kómek shaqyryp úlgeredi nemese tyrmysyp, ózi de muz ústine shyǵa alatyn kórinedi.

Muzdyń juqalyǵyn jáne sol sebepti qaýiptiligin, sonymen qosa koronavırýstan da qorǵaný amaldaryn qutqarýshylar balyqshylardyń qulaǵyna jetkizýde. Osyndaı profılaktıkalyq sharaǵa oblystyń júzden artyq qutqarýshysy qatysyp, olar úsh myńnan artyq balyqshyǵa eskertti.

«Bizdiń eń birinshi maqsatymyz - adamdardyń qaýipsizdigin qamtamasyz etý. Jasalyp jatqan reıdterdiń negizgi maqsaty sol» deıdi departament dırektorynyń orynbasary, maıor Igor Jýkov.

 

Soltústik Qazaqstan oblysy

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar