Osyǵan oraı, kóshi-qon qyzmetiniń bastyǵy Qaırat Dútpaev turǵyndarǵa qandaı qyzmet túrlerin qashyqtan alýǵa bolatynyn túsindirdi. Onyń aıtýynsha, qazir E-GOV arqyly kez kelgen azamattyń ózine qajetti qujattardy úıinde otyryp-aq resimdeýine múmkindik bar. Máselen, turǵyndar portal arqyly mekenjaıǵa tirkelip, odan qaıta shyǵa alady. Turǵylyqty mekenjaı týraly anyqtamany da ońaı alýǵa bolady. Oblys aýmaǵynda ýaqytsha turýǵa kelgen sheteldikterge sáıkestendirý nómirin alý úshin de múmkindik qarastyrylǵan.
Kóshi-qon qyzmetiniń bastyǵy, sonymen qatar, keıbir qyzmetterdi usyný ýaqytsha toqtatylǵanyn aıtty.
Ýaqytsha toqtatylǵan qyzmet túrleri:
|
№ |
Qyzmet túri |
|
1 |
Qazaqstan Respýblıkasy azamattaryna pasport, jeke kýálik berý. Sondaı-aq, azamattyǵy joq adamdarǵa beriletin kýálikter men oblysta turaqty turatyn sheteldikterge yqtııar hat berý;
|
|
2 |
Qazaqstan Respýblıkasynyń vızalaryn berý boıynsha qabyldaýshy tulǵalardyń shaqyrý hattaryn qabyldaý jáne oǵan kelisim berý;
|
|
3 |
Sheteldikter men azamattyǵy joq adamdarǵa Qazaqstan Respýblıkasynda turaqty turýǵa ruqsat berý;
|
|
4 |
Eńbek kóshi-qonyna qatysýshylarǵa ruqsat berý;
|
|
5 |
Sheteldikterge jáne azamattyǵy joq adamdarǵa oblys aýmaǵynan ketýge jáne kelýge vıza berý, ony qalpyna keltirý nemese merzimin uzartý.
|
Qaırat Dútpaev kóshi-qonǵa qatysty shekteý sharalary týraly tolyq málimet alǵysy kelgen turǵyndarǵa 52-63-91 nemese 52-62-55 nómirli telefondarǵa habarlasý kerektigin aıtty.
Qostanaı oblysy
