Aımaqtar • 26 Naýryz, 2020

Túrkistan: Koronavırýs juqtyrǵan azamatpen birge kelgen 56 adamnyń deregi anyqtaldy

679 retkórsetildi

Saqtyq maqsatynda Túrkistan oblysynyń shekaralyq jerlerine 35 blok-post qoıylǵan. Ýaqytsha tosqaýyl –beketterdiń 31-i eldi mekenderde, al 4-ýi temirjol vokzaly men stansııalarda ornalasqan. Respýblıkalyq mańyzy bar joldarda eki blok - post, ıaǵnı Jambyl oblysynan Túlkibas aýdanyna kireberiste jáne Qyzylorda oblysynan-Kentaý aýmaǵyna qarasty jerde jumys isteýde.

Atalǵan blok-beketterdiń  júıeli jumysynyń arqasynda Nur-Sultan-Shymkent baǵytyndaǵy avtobýsta koronavırýs juqtyrǵan azamatpen birge kelgen 56 adamnyń naqty deregi anyqtalyp otyr. Nur-Sultan qalasynan Shymkentke kelgen 24 jasar azamattan ınfeksııa anyqtalǵan bolatyn. Kóliktegi jolaýshylar týraly tolyq aqparatty Túlkibas aýdanyndaǵy Shaqpaq beketiniń qyzmetkerleri 20 naýryz kúni jazyp alǵan. Jolaýshylar búginde oqshaýlanǵan. Blok-posttarǵa polıseıler saǵat saıyn baqylaý jasap, oblys aýmaǵyna kelgen azamattardy qadaǵalaýda.

«Oblys kóleminde ashylǵan blok - posttarǵa 200-ge jýyq polısııa qyzmetkerleri jumyldyrylǵan. Oblys saqshylarymen birge medısına mamandary, kólik ınspeksııasynyń qyzmetkerleri joldan ótetin árbir kólikti jiti tekserýde. Sonymen qatar kólik ishindegi júrgizýshiler men jolaýshylardyń dene qyzýlary arnaıy qurylǵymen tekserilýde. Eger dene qyzý anyqtalmasa oblys aýmaǵyna ótkiziledi, al dene qyzý anyqtalatyn bolsa onda mindetti túrde ol adam oqshaýlanyp, medısına mamandarymen tekserýge jóneltiledi. Búgingi kúnge deıin oblysqa ótip ketken dene qyzýy bar adam anyqtalǵan joq», deıdi Polısııa departamentine qarasty Jergilikti polısııa qyzmetiniń basshysy, polısııa polkovnıgi Ulyqbek Myltyqov.

Qazirgi tańda blok-posttardaǵy polısııa men medısına qyzmetkerleri kúsheıtilgen rejımde jumys isteýde.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar