Qoǵam • 26 Naýryz, 2020

Nur-Sultan qalasynda karantın aýmaǵyn kesip ótý boıynsha 56 fakt tirkeldi

9 retkórsetildi

Qazaqstan astanasynda naýryzdyń 19-25 aralyǵynda karantın aýmaǵyn kesip ótý boıynsha 56 fakt tirkeldi. Bul týraly Nur-Sultan qalasy Polısııa basqarmasynyń basshysy Erjan Sádenov málimdedi.

- Osy ýaqyt aralyǵynda elordaǵa kirip-shyǵýdyń erekshe rejımin buzǵany úshin 56 azamat ákimshilik jaýapkershilikke tartyldy. Onyń ishinde 31 azamat 15 táýlikke ákimshilik qamaýǵa alynyp, 9 azamatqa 10 AEK kóleminde aıyppul salyndy, al qalǵan 16 tulǵaǵa qatysty materıaldar sottyń qaraýyna joldandy, – dedi Erjan Sádenov.

Polısııa málimetinshe, karantın aýmaǵyn zańsyz kesip ótpek bolǵan 56 oqıǵanyń 10-y karantın talabyn avtokólikpen buzýǵa qatysty tirkelgen.  

«Adamdar karantın aýmaǵyn aınalma joldarmen, sondaı-aq jazyq dala arqyly ótpek bolǵan. Mundaı faktilerdiń barlyǵynyń joly kesildi. Aıtalyq, karantın aýmaǵynyń irgesinde eldi-meken bar: tártip buzýshy jaıaý aýylǵa 5 lıtr araq alyp ótpek bolǵan. Alaıda ol sol jerde ustaldy»,- dedi E. Sádenov.

Esterińizge salsaq, 19 naýryzda elordalyq Polısııa departamenti qyzmet ótkerýdiń erekshe rejımine kóshirildi. Osyǵan baılanysty Nur-Sultan qalasynyń boıymen Jibek joly, Qosshy, Qaraótkel, Talapker jáne Qoıandy eldi-mekenderin qamtı otyryp, kólik quraldarynyń barlyq túriniń kirip-shyǵýy men azamattardyń búkil baǵyttar boıynsha júrip-turýyn shekteý úshin densaýlyq saqtaý organdarymen, Ulttyq Ulan jáne Qorǵanys mınıstrliginiń áskerlerimen birge 7 qadaǵalaý beketi ornatyldy. Qadaǵalaý beketteriniń arasynda jedel toptar jumys isteıdi. Olar jol talǵamaıtyn kóliktermen jáne áýeden baqylaý drondarymen qamtamasyz etilgen. 

IIB málimetinshe, búgingi kúni aınalma jol arqyly patrýldik jasaqtar ilese otyryp, 2 myńnan astam avtokólik jáne 3 600 azamat tranzıttik marshrýtpen ótti. Oǵan qosa, Nur-Sultan qalalyq prokýratýrasynyń úılestirýimen ýaqytsha shekteýler men sharalardyń zańdy júzege asyrylýyn qadaǵalaýdy qamtamasyz etý maqsatynda quramyna prokýratýra, polısııa jáne memlekettik kiris qyzmetkerleri shoǵyrlanǵan jedel top quryldy. Naýryzdyń 16-sy men 25-si aralyǵy quqyqqorǵaý qyzmetkerleri karantın rejıminiń saqtalýyn baqylaý maqsatynda barlyq oıyn-saýyq oryndaryn tekserdi. Qalada jalpy sany 2000-nan asatyn oıyn-saýyq oryndary tirkelgen. Ol - meıramhanalar, dámhanalar, barlar, karaoke-barlar, túngi klýbtar, bılıard jáne kompıýterlik klýbtar, qoǵamdyq tamaqtaný oryndary, monshalar, saýnalar jáne t.b.

Tekserý kezinde jumys istep turǵan 75 nysan anyqtaldy. Olardyń ıeleri karantın rejımin buzǵany úshin ákimshilik jaýapkershilikke tartyldy. Eki saýnanyń ıesi 5 táýlikke ákimshilik qamaýǵa alynyp, qalǵandaryna 10 AEK kóleminde aıyppul salyndy. 1 900-ǵa jýyq obekti ishki ister organdarynyń aldyn ala eskertýleri men talaptary boıynsha ózderiniń jumystaryn tótenshe jaǵdaı kezeńine der kezinde toqtatty.

Budan bólek, atalǵan ýaqyt aralyǵynda medısınalyq maskalar men antıseptıkterdi zańsyz saýdalaýdyń 30 deregi anyqtalyp, kásipkerlik qyzmetpen tıisti tirkeýsiz aınalysqany úshin ákimshilik materıaldar toltyrylyp, olardyń barlyǵyna aıyppul salyndy.

Sońǵy jańalyqtar

EAEO Qazaqstannyń usynysyn qoldady

Qazaqstan • Búgin, 19:57

Jetisaılyq jomart jandar

Aımaqtar • Búgin, 19:53

Indettiń ataýynda qandaı mán bar?

Koronavırýs • Búgin, 19:46

Fýtbol: Havı qaırymdylyq kórsetti

Fýtbol • Búgin, 19:25

Túrkistanda qurylys toqtamaıdy

Aımaqtar • Búgin, 19:23

Ishan baǵy qaıta qalpyna keledi

Rýhanııat • Búgin, 18:48

COVID-19: Indet juqtyrǵandar sany 525-ke jetti

Koronavırýs • Búgin, 17:28

Qaraǵandy oblysy onlaın-oqytýǵa daıyn

Aımaqtar • Búgin, 16:41

? (Suraq belgisi) Poema

Ádebıet • Búgin, 16:23

Senzýrasyz Abaı

Rýhanııat • Búgin, 14:34

BQO: 108 myń oqýshy qashyqtan oqıdy

Aımaqtar • Búgin, 13:23

Uqsas jańalyqtar