Parlament • 26 Naýryz, 2020

Májilis Tóraǵasy Prezıdent tapsyrmalarynyń oryndalýyna qoldaý bildirdi

14 retkórsetildi

Májilis Tóraǵasy, «Nur Otan» partııasy fraksııasynyń jetekshisi Nurlan Nyǵmatýlın fraksııa depýtattarynyń atynan tótenshe jaǵdaı kezinde eldiń turaqtylyǵyn qamtamasyz etý jáne koronavırýs epıdemııasynyń taralýyna qarsy áreket etý úshin qabyldanatyn sharalarǵa qoldaý bildirdi. Bul týraly Májilistiń baspasóz qyzmeti habarlady.

- Parlament Májilisindegi «Nur Otan» partııasynyń fraksııasy Memleket Basshysy Qasym-Jomart Kemeluly Toqaevtyń koronavırýs epıdemııasynyń taralýyna qarsy áreket etý jáne tótenshe jaǵdaı kezinde turaqtylyqty qamtamasyz etý jónindegi tapsyrmalaryna biraýyzdan qoldaý bildiredi - dedi Palata Spıkeri.

Sonymen qatar Májilis Tóraǵasy Tuńǵysh Prezıdent Elbasy Nursultan Ábishuly Nazarbaev memlekettik deńgeıde qabyldanyp jatqan sharalar ýaqtyly jáne daǵdarystyq jaǵdaıǵa jaýap beretinin atap ótkenine toqtaldy. Májilis Tóraǵasy indet kezinde osyndaı sharalardy qabyldaýdan keshigip qalǵan elderge jaǵdaı kúrt tómendep ketkenine nazar aýdardy.

Memleket Basshysynyń tapsyrmalaryna sáıkes Qazaqstanda iske asyrylyp jatqan keshendi sharalar týraly aıta kele, Májilis Tóraǵasy koronavırýs epıdemııasynyń taralýyna qarsy kúres jónindegi jumystardy kúsheıtýdiń, tótenshe jaǵdaı kezinde qoǵamdyq qaýipsizdikti jáne eldegi áleýmettik turaqtylyqty qamtamasyz etýdiń mańyzdylyǵyna mán berdi.

Jergilikti deńgeıde salyqtyq preferensııalar men qoldaýdy qospaǵanda, daǵdarysqa qarsy sharalardyń jalpy paketi 4,4 trln teńge nemese 10 mlrd dollardy quraıdy. Osylaısha, Prezıdenttiń tapsyrmalary Qazaqstan qoǵamyndaǵy ómirdiń barlyq salalaryn qamtyp, basty nazar áleýmettik turaqtylyqqa aýdarylatynyn aıtqan N.Nyǵmatýlın el basshylyǵynyń osy tótenshe jaǵdaılar kezinde halyqqa eleýli kómek pen qoldaý kórsetýge daıyn ekenin jáne memleket túbegeıli sharalar qabyldaıtynyn atap ótti.

Májilis Tóraǵasy Prezıdenttiń daǵdarysqa qarsy barlyq tapsyrmalaryn ortalyqta da, eldi mekenderde de naqty oryndaý qajettiligine nazar aýdardy. Memleket Basshysy daǵdarysqa qarsy jospardy qarjylandyrýdyń joldaryn, tetikterin jáne qarjylandyrý kózderin aıqyndady. Endi barlyq memlekettik apparattyń mindeti – mınıstrden bastap mamanǵa deıin belgilengen maqsattarǵa jetý úshin naqty jáne úılesimdi jumys jasaý ekenine toqtaldy. Sonymen qatar, Májilis Tóraǵasy Memleket Basshysynyń jaǵdaı turaqtanǵannan keıin ómir súrýge arnalǵan júıeli tásilderdi ázirleý qajettiginiń mańyzdylyǵyn atady.

- Parlament Májilisindegi «Nur Otan» partııasynyń Fraksııasy eldiń daǵdarystan keıingi damý josparyn iske asyrýǵa jan-jaqty qoldaý kórsetýge daıyn. Bul úshin qajetti zańnamalyq jańalyqtardyń barlyǵy «Nur Otan» partııasy fraksııasynyń músheleri - depýtattar qyzmetiniń negizgi baǵyttarynyń biri bolady, - dedi Nurlan Nyǵmatýlın.

Sońǵy jańalyqtar

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar