Álemge jaıylǵan koronovırýs indetiniń aldyn alý jáne turǵyndardy saqtandyrý maqsatynda QMDB О́skemen aımaǵy ókildigi ıgilikti iske kiristi.
Shyǵys Qazaqstan oblystyq «Halıfa Altaı» meshitinde betperde tigetin tigin sehy iske qosyldy. Osynaý salaýatty iske óńirdiń 20-dan astam erikti qyz-kelinshekteri atsalysyp, betperde tigip jatyr. «Betperde tigý jumystary qarqyndy júrip jatyr. Bir tiginshi 40-50 shamasynda maska tigedi. Daıar bolǵan betperdeler «Júrek jylýy» aksııasynyń aıasynda elordalyq turmysy tómen otbasylarǵa jiberiledi. Bul saýapty iske atsalysýshylar sany kún sanap artyp keledi» deıdi uıymdastyrýshylar.
О́kildik bul jumysty úzdiksiz jalǵastyryp, bolashaqta óńir turǵyndaryn tegin betperdemen qamtamasyz etýdi josparlap otyr. Tiginshilerge meshit tarapynan 2 mezgildik as-sý uıymdastyrylyp, betperdege qajetti mata, taǵy basqa da zattar berilip otyr.
О́SKEMEN
