«Keshe aıtqanymyzdaı, 2 naýqas koronavırýstan aıyǵyp, aýrýhanadan shyqty. Olardyń bireýi Almaty, ekinshisi Nur-Sultan qalasynda. DSM málimeti boıynsha osy aqparat taraǵan soń, BAQ ókilderi pasıentter týraly óte kóp surap, habarlasqan. Sondyqtan dárigerlik qupııany saqtaý jóninde taǵy da eske salamyz. Eshkim koronavırýspen aýyrǵan adam retinde aty shyqqanyn qalamaıdy. Bul adamdardyń barlyǵy óz azamattarymyz. Olardyń ózine qatysty jeke málimetterdi jarııalamaýǵa quqyǵy bar. Biz ony syılaýymyz kerek», dedi D.Abaev.
Sondaı-aq ol eger de emdelgen adamdar jaıynda aqparat tabylǵan bolsa, pasıenttiń ózinen ruqsat alý mindetti ekenin atap ótti.
«Eger ol adamdar týraly qandaı da bir aqparat tapsańyzdar, ol kisilerdiń ruqsatynsyz jarııalaýmaýdy suraımyz. Naýqastardy emdeý tártibi týraly jýrnalısterge dárigerler aıtyp beredi. Biz mundaı suqbatty árqashan uıymdastyrýǵa daıynbyz», dedi mınıstr.
