Aımaqtar • 26 Naýryz, 2020

Qostanaı oblysynda «Biz birgemiz!»: Nur Otan aksııasy aıasynda 4 myńǵa jýyq adamǵa áleýmettik qoldaý kórsetiledi

50 retkórsetildi

Jumyla kótergen júk jeńil. Shekara jabyq, shekteý kóp. Búgingideı syndarly kezeńde áleýmettik qoldaýǵa muqtaj jandar qamqorlyqtan qaǵajý qalmaýy tıis. Osy maqsatta Elbasy Nursultan Nazarbaevtyń tapsyrmasymen «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda qolǵa alynǵan biryńǵaı respýblıkalyq aksııa qostanaılyqtar tarapynan keń qoldaýǵa ıe boldy. Sharanyń aımaqta júzege asý barysy búgin oblys ákimdiginde ótken keńeıtilgen otyrysta talqylandy.

Uıymdastyrýshylardyń aıtýynsha, búginge deıin atalmysh aksııa aıasynda áleýmettik qoldaý kórsetiletin adamdar anyqtalyp, olardyń tizimi jasalǵan. Bas-aıaǵy 3 541 adam qamtylǵan bul tizimge turmysy tómen kóp balaly otbasylar, erekshe qajettilikke muqtaj adamdar, II Dúnıejúzilik soǵys ardagerleri men jalǵyzbasty qarııalar enip otyr.

Aksııa aıasynda muqtaj adamdarǵa antıseptık, medmaska jáne birinshi kezekte qajet azyq-túlik ónimderi jetkiziledi. Atap aıtqanda, tizimde tirkeýli ár adam ylǵaldy jáne qaǵaz maılyqtar, antıseptıkalyq zattar, sabyn, medısınalyq maska, makaron, qaraqumyq, kúrish, qant jáne ósimdik maıyn alady. Azyq-túlik sebetinde qara shaı, tuz, pechene bar.

Nur Otan partııasy oblystyq fılıaly tóraǵasynyń birinshi orynbasary Eldar Kúzenbaevtyń aıtýynsha, sharany júzege asyrý úshin partııa músheleri men Jas Otan jastar qanatynyń belsendilerinen eriktilerdiń mobıldi brıgadalary uıymdastyrylǵan. Qazir oblysta 250 erikti 20 brıgadaǵa bólinip jumys isteýde. Aksııanyń alǵashqy kúni 443 otbasy kómekke ıe boldy.

Jıyn sońynda oblys ákimi A.Muhambetov aksııa aıasynda atqarylyp jatqan izgi sharalardy jandandyra túsýdi tapsyrdy.

 

QOSTANAI

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar