Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nurbek Nyshanov koronavırýstyq ınfeksııa tirkelgen basqa elderden kelgen 51 azamat kategorııalar boıynsha medısınalyq baqylaýǵa alynǵanyn málim etti. Tarata aıtqanda, 1A kategorııasymen 18 adam, (Fransııadan -1, Italııa -2, Ispanııa -1, Indııa-10, BAÁ-1, Germanııadan-3), 1B kategorııasymen 33 adam (O. Koreıa-24, Nıderlandy -2, Lıtva -1, AQSh-1, Anglııa-1, Ýkraına-1, Polsha -1, Chehııa -1) baqylaýǵa alynǵan. Budan bólek, naýqastarmen qarym-qatynasta bolǵan 8 azamat anyqtalyp, COVID-19-ǵa tekserilgen. Bir qýanarlyǵy - zertteý nátıjeleri teris bolyp shyqqan.
Sondaı-aq Almaty men Nur-Sultan qalalarynan «JRVI» klınıkalyq belgilerimen kelgen 16 azamat stasıonarlarǵa jatqyzylyp, laboratorııalyq tekserýden ótkizilgen. Búginge deıin stasıonarlardan shyǵarylǵan azamattar sany 38-ge jetip otyr. Oblystyq zerthana kerekti dıagnostıkalaý test-júıelermen jáne arnaıy tasymaldaý quraldarymen qamtamasyz etilgen. Búgingi kúni oblysta test-júıeniń 12 danasy bar.
Túrkistan oblysy
