«Kez-kelgen jaǵdaıǵa tas-túıin daıyn turý kerek. Árbir azamatymyzdyń amandyǵyn oılaı otyryp, zor jaýapkershilik tanytyp, daıyndyq jumystaryna tyńǵylyqty jáne muqııat qaraý kerek. Dertke qarsy kúres úshin qajetti barlyq jaǵdaı jan-jaqty jasalýy tıis», – dedi О́mirzaq Estaıuly. Qaýipti keselge uqsas klınıkasy bar azamattardyń dıagnozdaryn anyqtaý maqsatynda oblys aýmaǵynda 240 tósek-orynǵa provızorlyq gospıtaldar qarastyrylǵan. Odan bólek, barlyq aýdandar men qalalardaǵy ınfeksııalyq aýrýlar bólimderi daıyndyq jaǵdaıyna keltirilgen. Qarym-qatynasta bolǵandardy oqshaýlaý úshin oblys aýmaǵyna 505 tósek-orynǵa observasııalyq ortalyqtar ashylǵan.
Sondaı-aq lezdemede oqshaýlaý oryndarynda ókpeni jasandy jeldetý medısınalyq qural-jabdyqtarynyń sany artyp, qajetti dári-dármek qorymen tolyq qamtylǵany aıtyldy. Blok-beketterde medısınalyq qyzmetkerlerge qajetti qural-jabdyqtarǵa qosymsha tapsyrystar berilgen. Barlyq medısınalyq uıymdardaǵy medısınalyq qyzmetkerler koronavırýstyń klınıkasy, emdeý jáne dıagnostıkalaý boıynsha turaqty túrde daıyndyq sharalarynan ótýde.
Túrkistan oblysy
