Sport • 26 Naýryz, 2020

Tokıo Olımpıadasynyń ótkizilý merzimi bir aıdan keıin anyqtalady

18 retkórsetildi

Halyqaralyq Olımpıada komıteti men Tokıo-2020 uıymdastyrý komıteti álemde koronavırýs indetiniń taralýyna baılanysty jazǵy Olımpııa oıyndaryn 2021 jylǵa aýystyrǵanyn buǵan deıin habarlaǵan bolatynbyz.

Qazaqstannyń Ulttyq Olımpıada komıtetiniń habarlaýynsha, HOK prezıdenti Tomas Bah Olımpıadanyń naqty qaı aıda jáne qaı kúnderi ótetini talqylanyp jatqanyn málimdegen.

«Biz Japonııa premer-mınıstri Sındzı Abe myrzamen oıynnyń naqty ótkizilý ýaqyty týraly áli sóılesken joqpyz. Olımpııa oıyndary álemdegi eń kólemdi ári qıyn is-sharalardyń biri. Sondyqtan, telefon arqyly mundaı máselelerdi sheshý múmkin emes. Bul máselemen uıymdastyrý komıteti jáne HOK-tiń úılestirý komıteti aınalysady. 2021 jylǵy josparlanǵan sporttyq jarystar bar. Sol úshin bul suraqty sheshýge bir aı ýaqyt kerek. Tokıo Olımpıadasynda 206 ulttyq olımpıadalyq komıtetter atynan 11 myń sportshy baq synaıdy. Sondaı-aq bosqyndar komandasy baryn da umytpańyzdar. HOK-tiń úılestirýshi komıteti barlyq federasııalarmen bir sheshimge kelip, naqty datany anyqtaıdy», dedi Tomas Bah.

Aıta ketelik, Olımpııa oıyndary tarıhta alǵash ret bir jyl keıinge shegerildi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar