Koronavırýs • 26 Naýryz, 2020

Bas bostandyǵynan aıyrylǵandar betperde tigýde

324 retkórsetildi

Ishki ister mınıstri Erlan Turǵymbaev jumys saparymen Arshaly kentinde ornalasqan ES-166/5 tótenshe qaýipsizdik mekemesine bardy. Jumys sapary barysynda mınıstr osy mekemeniń óndiristik alańynda medısınalyq betperde jasaý prosesimen tanysty.

Aıta keteıik, buǵan deıin E.Turǵymbaevtyń tapsyrmasy boıynsha QAJK «Eńbek» RMK kolonııalarynda betperdeler tigý jumysy uıymdastyrylǵan edi. «Eńbek» respýblıkalyq memlekettik kásiporny osy buıymdardy daıyndaýǵa sertıfıkattalǵan ruqsat aldy.

Standartqa sáıkes, qorǵanys quralynyń materıaly gıpoallergendi sanalady. Shańnan qorǵaý qasıetterine ıe. Sonymen qatar aýany jaqsy ótkizip, juqpaly aýrýlardyń táýekelderin azaıtady.

Qorǵaný betperdelerin ishki ister organdarynyń qyzmetkerleri paıdalanady. Olar medısına qyzmetkerlerimen birge karantındik is-sharalarǵa qatysyp, elde engizilgen tótenshe jaǵdaı kezinde qoǵamdyq tártip pen asa mańyzdy strategııalyq nysandardyń qorǵanysyn qamtamasyz etedi.

Betperdelerdi tigýdi jappaı iske qosý maqsatynda elimizdegi barlyq aımaqtarda ornalasqan QAJK mekemelerinde tigin sehtarynyń qyzmeti jandandyryldy. Myńnan astam tigin stanoktary men mashınalary iske qosyldy. Onda táýligine 50000 dana betperde tigilýde. Búgingi tańda qazaqstandyq kolonııalarda 130000-nan astam betperde óndirildi.

«Koronavırýs jaǵdaıy qoǵamymyzdy biriktirip, odan penıtensıarlyq júıe de shette qalmaǵanyn atap ótkim keledi. Búgin men Arshaly kentindegi mekemege bardym. Onda betperde tigý sehynda 40 adam jumysqa ornalasqan. О́zderińiz kórip otyrǵandaı, sanıtarlyq talaptar saqtalady, betperde tigý materıaldary bar. Sottalǵandar elde qalyptasqan jaǵdaıdyń mańyzdylyǵyn túsine otyryp, eki aýysymda jumys isteýge daıyn. Men QAJK-niń jáne «Eńbek» RMK-nyń basshylyǵyna sottalǵandarǵa jalaqy tóleýden basqa, olardy aqshalaı syıaqymen kótermeleýdi tapsyramyn», – dedi E.Turǵymbaev.

Ishki ister organdarynyń barlyq jeke quramy erekshe rejımde jumys isteıdi. Medısına qyzmetkerlerimen tyǵyz qarym-qatynasta karantındik is-sharalarǵa qatysýda. Kún saıyn jasaq qyzmetine 15000-nan astam polıseı, qutqarýshylar men Ulttyq ulannyń áskerı qyzmetshileri túsedi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar