Aımaqtar • 26 Naýryz, 2020

Mańǵystaýǵa kelgen azamattar tekserilýde

211 retkórsetildi

26 naýryz kúngi jaǵdaı boıynsha Mańǵystaý oblysynda koronavırýs ınfeksııasyn juqtyrǵandar tirkelgen joq. Bul týraly oblystyq densaýlyq saqtaý basqarmasynyń basshysy Ánýar Saǵymbaev málimdedi.

Qazir aımaqta indettiń aldyn alý maqsatynda keshendi sharalar jasalyp jatyr. 70 tósek ınfeksııalyq aýrýlardy qabyldaýǵa, 280 tósek provızorlyq tekserý jasaý úshin, 600-ge jýyq tósek karantınge jatqyzýǵa daıyn. Búgingi kúni 100-ge jýyq adam aýrýhanalarda karantınde jatyr. 400-deı turǵyn tekserilip, karantınnen shyqty. Keshe túnde 70-ke jýyq QR azamaty Ystambuldan Aqtaýǵa ushyp keldi. «Tájen» shekaralyq baqylaý beketi arqyly О́zbekstannan 14 Mańǵystaý oblysynyń turǵyny keldi. Barlyǵy tekserilip, arnaıy kóliktermen Aqtaýǵa jetkizilip, karantınge jatqyzyldy. Saraptama qorytyndysy teris nátıje bergen jaǵdaıda úılerine karantınge jiberiledi.

Aıta keteıik, 24 naýryz kúni Qaraǵandy qalasyna Varshava qalasynan stýdentter kelgen bolatyn.  Olardyń 6-y Mańǵystaý oblysynan. Qaraǵandyǵa kelgen boıda vırýsqa tekserýden ótip, teris nátıjeli jaýap aldy. Búgin Aqtaýǵa jetken stýdentter qaıta tekserýden ótip, úılerine jiberildi. 14 kún úılerinde karantınde jatady. Stýdentterden syrtqa shyqpaýǵa qolhat alyndy.

Aımaqqa kelgen kez-kelgen turǵyn áýejaıda, temirjol vokzaldarynda, avtojoldarǵa qoıylǵan beketterde medısınalyq tekserýden ótip, dene qyzýy ólshenedi.

Ár aımaqta adam aǵzasynan Covid-19 ınfeksııasyn anyqtaıtyn vırýsologııalyq zerthana bar. Oblysta saraptama jasaıtyn quraldar jetkilikti mólsherde. Barlyǵy tegin jasalady.

Medısına qyzmetkerleri kúsheıtilgen rejımde jumys isteýde. Dárigerler eger qyzýy kóterilip, ózin jaısyz sezingen turǵyn bolsa, birden jergilikti emhanaǵa nemese CALL-ortalyqtarǵa telefon shalýy qajettigin aıtady. Ýchaskelik dárigerdiń keńesinen soń, qajet bolǵan jaǵdaıda jedel-járdem jiberiledi. Emhanaǵa nemese aýrýhanaǵa barýdyń qajeti joq.

Dárigerler saqtyq sharalaryn qatań saqtaýdy, jeke bas gıgıenasyn saqtap, kópshilik jınalatyn jerlerge barmaýdy, qajet bolmasa úıden shyqpaýdy eskertedi.

Mańǵystaý oblysy

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar