Qoǵam • 26 Naýryz, 2020

Almatyda indetinen arylǵan alǵashqy áıel óz úıine oraldy ma?

178 retkórsetildi

Búgin keshki onlaın-brıfıngte Almaty ákimdiginiń baspasóz ortalyǵynda qalalyq Qoǵamdyq densaýlyq basqarmasy basshysy Tileýhan Ábildaev megapolıstegi 26 naýryzdaǵy sońǵy málimetterge sáıkes, 40 adamnyń dertti bolǵanyn habarlady.

Sondaı-aq búgin Qalalyq juqpaly aýrýlar aýrýhanasynan COVID-19 naýqasy qazaqstandyqtar arasynda alǵashqylardyń qatarynda rastalǵan 1956 jylǵy áıel emdelip shyqty. Pasıent eýropalyq elderdiń birinde indet juqtyrǵan.

Alǵash jazylyp shyqqan almatylyq vırýsqa qarsy em men sımptomatıkalyq terapııanyń tolyq kýrsyn aldy. Derti sımptomdarsyz ótip, vırýsqa qarsy emdi jaqsy, birqalypty qabyldady. Emdeý barysynda asqynýlar bolǵan joq. Ony úıge shyǵarmas buryn eki ret qatarynan analız jasalyp, eki rette de baqylaý taldaýy koronavırýsqa teris nátıje kórsetti, dedi Qoǵamdyq densaýlyq basqarmasy basshysy Tileýhan Ábildaev.

Tikeleı efırde júrgen onlaın-brıfıng kezinde Almaty qalalyq Qoǵamdyq densaýlyq basqarmasy basshysyna BAQ tarapynan qoıylǵan suraqtar legi tómendegideı boldy.

Nege jazylyp shyqqan pasıentte koronavırýstyń aýrý belgileri aýyr baıqalǵan joq? Bul densaýlyǵynyń myqtylyǵyna baılanysty ma?

Dárigerler naýqastardyń  jaǵdaıynyń ártúrliligine qarap, koronavırýs ınfeksııasyna qatysty zertteýler júrgizip otyr ma?

Adam aǵzasynyń indetpen kúresýdegi ımmýnıteti men jasy mańyzdy ma? Bul saýaldardyń jaýaby resmı naqtylanǵan joq.

Qoǵamdyq densaýlyq basqarmasynyń ókilderi saýyǵyp shyqqan pasıent áli de úıinde 14 kún karantınde bolatyndyǵyn málimdedi.

Sońǵy málimetterge sáıkes, derti búgin rastalǵandarǵa keletin bolsaq, 1995 jyly týǵan birinshi pasıent 21 naýryzda Nıý-Iork–Máskeý–Almaty reısimen ushyp kelgen.

Koronavırýsy jańadan rastalǵan kelesi adamdar buryn juqtyrǵan adamdarmen baılanysta bolǵandar.

Barlyq pasıenttiń qazirgi ýaqytta jaı-kúıi qanaǵattanarlyq.

Qalalyq klınıkalyq juqpaly aýrýlar aýrýhanalarynda qazirgi ýaqytta 40 pasıent bar,onyń ishinde eki bala bar.

38 pasıenttiń jaı-kúıi – qanaǵattanarlyq, 1 balanyń jaǵdaıy ortasha, bireýiniń jaǵdaıy aýyr, entigýine baılanysty ókpeni jasandy jeldetý apparatynda jatyr.

Búgingi kúni provızorlyq gospıtaldarda karantınde 938 azamat, onyń ishinde 56 bala bar.

Karantındegi barlyq adamnyń dene qyzýy qalypty jaǵdaıda.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar