Koronavırýs • 26 Naýryz, 2020

Koronavırýs juqtyrǵan juldyzdar ne deıdi

108 retkórsetildi

Sońǵy málimetke qaraǵanda Covid-19 derti álemniń 196 eline tarap úlgeripti. Shamamen 410 myń adam zardap shegýde kórinedi. Bir tańdanarlyq jaǵdaı – bul vırýs adam tańdamaıdy. Tipti álem jurtty jaqsy tanıtyn, ataǵynan at úrketin, densaýlyǵynda ıneniń kózindeı kinarat joq juldyzdardyń ózi, naqtyraq aıtqanda, beldi batketbolshy, ataqty aıaqdopshylar dert juqtyryp, emdelip jatyr.

AQSh ulttyq basketbol federasııasynyń «Iýta Jazz» komandasynyń oıynshysy Rýdı Gober: «Alǵashynda denemnen dert belgisi tabyldy degendi estip, qatty sastym. Qudaı ońdaǵanda teksergen dáriger óz isiniń sheberi eken. Onyń sózi keremet sabyr syılady. Bir qyzyǵy, temperatýram qalypty, sóıte tura ishken-jegen taǵamnyń dámin sezbeımin. Dese de dertten aıyǵam degen úmitim zor», - depti.

Bul azamat týǵan otany Fransııaǵa baryp, sol elden vırýs juqtyryp kelgen eken. Keshe onlaın efırge shyǵyp, kózge kórinbeıtin, ıisi sezilmeıtin Covid-19 derti oınaýǵa bolmaıtyn dúnıe ekenin aıtyp, adamzatty qorǵanýǵa shaqyrdy.

 

Basketboldan AQSh ulttyq quramasynyń múshesi, “Iýta Jazz” komandasynyń qorǵaýshysy Donovan Mıtchell aıtady: «Maǵan komandalas serigim Rýdı Goberden juqqan sııaqty. Dárigerlerdiń paıymy solaı. Alǵashynda tynysym tarylyp, óte qıyn boldy. Oǵan Goberge degen ashý-yza qosyldy. Qazir birshama jaqsaryp qaldym. Bári qalpyna kele jatyr. Júıeli em-dom qabyldaýdamyn. Qudaı qalasa6 jazylamyn».

Basketboldan AQSh ulttyq lıgasy "Brýklın" quramasynyń shabýylshysy Kevın Dıýrant aıtady: «О́te saq bolý kerek eken. Baıqaýsyzda tap boldym. Negizi, bul derti aýyzdyqtaýdyń joly – karantın. Buıyrsa, buny da jeńermiz. Qazir densaýlyǵym jaqsaryp qaldy».

Italııanyń "Iýventýs" fýtbol klýbynyń shabýylshysy Paýlo Dıbala aıtady: «Mende temperatýra joǵarylaý sııaqty dert belgisi bolǵan joq. Biraq, ókinishti jaǵdaı, menen vırýs belgisi anyqtaldy. Buǵan bola kúıip-pisetin emes. Taǵdyr saldy - qul kóndi. О́z jankúıerlerime aıtarym: qazir densaýlyǵym jaqsy».

"Iýventýs" fýtbol komandasynyń shabýylshysy Danıel Rýganı aıtady: «Alǵash derttiń belgisi denemnen tabylǵanda shok boldym. Eshqashan bulaı bolar dep oılamaǵan edim. Meniń kesirimnen basqalardyń aýrý juqtyrýyn qalamaımyn. Bul aýrýdan saýyǵam, oǵan senem. Biraq eldiń sózi qıyn bolyp tur».