О́ner • 26 Naýryz, 2020

Áıgili «La Skala» teatrynyń qoıylymdaryn endi onlaın tamashalaýǵa bolady  

15 retkórsetildi

Italııanyń aty ańyzǵa aınalǵan «La Skala» teatry men RaiPlay online-platformasynyń kásibı seriktestiginiń nátıjesi teatrsúıer talǵampaz qaýym úshin úlken óner oljasyna aınalmaq.

Aldaǵy birneshe apta kóleminde áıgili teatrdyń 2008-2019 jyldar aralyǵynda jazylyp alynǵan 30 úzdik qoıylymy onlaın rejımde kórermen nazaryna usynylatyn bolady.

23 naýryzdan bastalǵan onlaın kórsetilim 21 sáýirge deıin jalǵasady. RaiPlay platformasy  6 sáýirge deıin astana ýaqyty boıynsha saǵat 15.00-de, odan ary qaraı saǵat tańǵy 02.15-te «La Skala» teatrynyń resmı saıtynda http://www.teatroallascala.org/it/calendario-trasmissioni-rai.html kórsetilgen myna spektaklderdi tómendegi tizim boıynsha onlaın tamashalaýǵa múmkindik beredi.

– Ras, álemde beleń alǵan myna qıyn jaǵdaı kúlli adamzat, onyń ishinde otanymyz – Italııa úshin ońaı tıip otyrǵan joq. Biraq, sonda da eńsemizdi túsirmeı, aldaǵy jaqsy kúnderimizge zor senim arta otyryp, «La Skala» teatrynyń qoıylymdaryn súıip tamashalaıtyn kórermenderimizdiń nazaryna sońǵy jyldarda taspaǵa jazylyp alynǵan birneshe úzdik spektaklimizdi usynsaq deımiz. Kóp uzamaı álem halqy basqa túsken bul synaqty sózsiz jeńip shyǵyp, burynǵydaı teatrymyzdyń tórinde qaıta qaýyshamyz dep senemiz. Sol kúnge asyǵamyz, – dep teatrdyń resmı saıtynda «La Skala» teatrynyń dırektory  Domınıka Meıera óz pikirin qaldyryp, barsha kórermenge amandyq pen jaqsy kóńil-kúı, qyzyqty kórsetilim tiledi. 

Endeshe, sizder de ónerdiń mundaı tamasha tartýynan qapy qalmańyzdar!  

 

 

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar