Qoǵam • 26 Naýryz, 2020

Almatyǵa aqshamen kirip-shyǵýǵa bolatyny týraly aqparattar rastalǵan joq

151 retkórsetildi

Búgin Almaty polısııasy qalanyń shekarasynan aqyly túrde ótý múmkindigi týraly áleýmettik jelilerde taraǵan habarlardyń eshqaısysy rastalmaǵanyn málimdedi.

Almaty Polısııa departamentiniń habarlaýynsha, qalada karantın bastalǵannan beri karantındik aımaqqa aqyly kirýge bolatyny týraly áleýmettik jelilerde taraǵan 6 postty teksergen.

«Biz áleýmettik jeliler men qoǵamdyq kóńil-kúıdi táýlik boıy qadaǵalap otyramyz. Shekaradan aqyly túrde qalaǵa ótkizý múmkindigi týraly habarlamalar kelgen jaǵdaıda jedel sharalar qoldanylady. Qalada karantın engizilgennen beri 6 aqparattyq post tekserildi ­­ jáne olardyń barlyǵy da rastalmady: bir jaǵdaıda – erkek áıelderdiń áńgimelerin estip, bul ósekterdi óz paraqshasyna salýdy uıǵardy, ekinshi jaǵdaıda – habarlamanyń avtory Feısbýktegi óz paraqshasyna mas kúıinde oıyna kelgen qııalyn jazǵan. О́kinishke qaraı, bul faktiler qazirdiń ózinde aldaý men tanymaldyqty izdeýde jalǵan aqparat taratyp, qoǵamdy ádeıi adastyratyn azamattardyń ózindik sanasynyń tómendigin aıǵaqtaıdy», – dedi Almaty qalalyq Polısııa departamentiniń bastyǵy, polısııa polkovnıgi Qanat Taımerdenov.

Alaıda, Almaty polısııasynyń bastyǵy jalǵan habarlamalardyń avtorlaryna qatysty qazirgi ýaqytta QR QK-niń 274-baby 4-tarmaǵy boıynsha sotqa deıingi tergeý júrip jatqanyn atap ótti. Tótenshe jaǵdaı kezinde jalǵan aqparat taratqany úshin úsh jyldan jeti jylǵa deıingi merzimge bas bostandyǵynan aıyrý túrindegi jaýapkershilik kózdeledi.

«Biz quqyqtyq memlekette ómir súrip jatyrmyz. Sondyqtan kez kelgen ómirlik mańyzdy jaǵdaıda zań erejelerin ustaný kerek jáne olardy sheshýdiń basqa ádisterin izdemeý kerek. Qazirgi ýaqytta qalanyń perımetri boıynsha qurylǵan 27 jol tosqaýylyndaǵy jaǵdaı turaqty ekenin tolyq jaýapkershilikpen aıtamyn.  Polısııa qyzmetkerleri jáne osyǵan atsalysyp jatqan basqa da qyzmetterdiń ókilderimen, eń aldymen, aqparattyq-keńes berý jumystary júrgizilýde. Sybaılas jemqorlyq sıpatyndaǵy faktiler tirkelmegen. Azamattardyń túsingeni mańyzdy: búgingi kúni qabyldanǵan sharalar tek qoǵamnyń densaýlyǵy men berekesi úshin.  Biz bul aýrýmen birge kúresip, onyń taralýyna jol bermeýimiz kerek», – dedi polısııa polkovnıgi.

Sonymen qatar, spıker polısııa qyzmetkerleriniń zańǵa qaıshy nemese sybaılas jemqorlyqqa qatysty áreketteri týraly aqparat berýge bolatyn telefon nómirlerin habarlady: 254-40-84;  254-40-77 jáne 8-707-927-67-69.

«Sondaı-aq, jalǵan aqparat taratqany jáne jalǵan aıǵaqtar bergeni úshin qylmystyq jaýapkershiliktiń bar ekenin eskertemiz. Buqaralyq aqparat quraldary men áleýmettik jeliler tek obektıvti aqparat beretin alań retinde qyzmet etýi kerek, biraq is júzinde bul basqasha», – deıdi Qanat Taımerdenov.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar