Qazirgi ýaqytta naýqastardyń densaýlyq jaǵdaıy qanaǵattanarlyq deıtin dárejede. Medısınalyq qyzmetkerler sanıtarlyq qaýipsizdiktiń barlyq sharalaryn jáne qajetti hattamalardy saqtaýda.
Búgingi kúni Qaraǵandy boıynsha karantınde 314 adam táýlik boıy baqylaýǵa alynǵan. Bul 1A sanatyndaǵy elderden oralǵan nemese shartty túrde juqtyrǵan adamdarmen baılanysta bolǵan azamattar. Taǵy 152 adam úı jaǵdaıynda karantınnen ótýde.
Buǵan deıin Qaraǵandyda koronavırýs ınfeksııasyn juqtyrǵan eki adam anyqtalǵan bolatyn. Qazirgi ýaqytta olardyń jaǵdaıy qanaǵattanarlyq dep baǵalanady.
– Koronavırýs juqtyrǵan tórt adam syrttan keldi jáne olar birden gospıtalge jatqyzylǵan bolatyn. Búgingi kúnde Qaraǵandyda karantın jarııalaýǵa negiz joq, – dep málimdedi búgin tikeleı efırde Erjan Nurlybaev.
Qaraǵandy oblysy
