Sholaqqorǵan aýylynan salynyp jatqan, jobalyq quny 50 mln AQSh dollary bolatyn kún elektr stansasynyń qurylysy aldaǵy aıda aıaqtalmaq. «IýKSES-50» JShS qurylys kezinde 200-ge jýyq adamdy ýaqytsha jumysqa tartqan bolatyn. Al kún elektr stansasy iske qosylǵanda 30 adam turaqty jumyspen qamtylady. Jalpy aýdanda ótken jyly qurylys salasy da qarqyn alyp, jergilikti bıýdjet qarjysy esebinen 100 oryndyq mektep pen Asqar Súleımenov atyndaǵy jalpy orta mektepke 300 oryndyq qosymsha ǵımarat paıdalanýǵa berildi. Aldaǵy ýaqytta Sultanbek Qojanov atyndaǵy tarıhı-aımaqtyq murajaı ǵımaratynyń jáne Sholaqqorǵan aýylyndaǵy Tý tuǵyry nysandarynyń qurylys jumystary júrgiziletin bolady. «О́tken jyly quny 951,6 mln teńge bolatyn 5 joba júzege asyryldy. 60 myńnan astam halyq turatyn órkendegen teriskeı óńir óristi ólkege aınalyp keledi. Investısııa tartý elimizdegi asa mańyzdy sala desek, aýdan ekonomıkasyna 2019 jyly 51 mlrd 262 mln teńge ınvestısııa tartylyp, aldyńǵy jylmen salystyrǵanda 125,4 paıyzǵa artyǵymen oryndaldy. Jyl qorytyndysymen jergilikti bıýdjetke 6 mlrd 478 mln 7 myń teńge qarjy tústi. Aýdan boıynsha 313 mlrd 381 mln teńgeniń jalpy óńirlik ónimi óndirilip, aldyńǵy jylmen salystyrǵanda 127,8 % nemese 68 mlrd 197 mln teńgege artyp otyr. Aýylsharýashylyq salasynda jalpy ónim kólemi 13 mlrd 58 mln teńgeni qurady. Memlekettik «Altyn asyq», «Qulan», «Sybaǵa» baǵdarlamasy tolyqtaı oryndaldy. Iri qara mal sany da artqan. Aýdan kóleminde ótken jyly 426 jańa kásipkerlik sýbektisi ashylyp, jalpy sany 3 331-ge jetti. Atalǵan salada 16 mlrd 470 mln teńgeniń ónimi óndirilip, aldyńǵy jylmen salystyrǵanda 109,5% ósken. Jobalardy qarjylandyrý boıynsha 93 jobaǵa 338,8 mln teńge nesıe berildi», dedi aýdan ákimi Salyhan Polatov turǵyndarǵa esep berý kezdesýinde.
Sondaı-aq bıyl aýdanda «Aýyl – el besigi» baǵdarlamasyna 326 mln teńge qarjy bólinip otyr. Bul qarjyǵa T.Álimqulov atyndaǵy №14 ınternat-lıseıine kúrdeli jóndeý jumystaryn júrgizý, jalpy uzyndyǵy 2,5 shaqyrym jolǵa asfalt tóseý josparlanýda. Al Sholaqqorǵan aýyldyq okrýginiń Teriskeı shaǵyn aýdanyn táýlik boıy sýmen qamtý maqsatynda oblystyq bıýdjetten 234,6 mln teńge qarjy qaralyp, aýyzsýmen jabdyqtaý jumystary bastalǵan. Aqsúmbe eldi mekenindegi 100 oryndyq Sultanbek Qojanov atyndaǵy mekteptiń jańa ǵımaraty, Sholaqqorǵan eldi mekeninde 300 oryndyq Á.Moldaǵulova atyndaǵy jalpy orta mektebiniń qosymshajaı qurylys jumystary da bıyl aıaqtalady. Nátıjesinde aýdandaǵy mektepter tolyǵymen tıptik úlgidegi ǵımarattarǵa kóshiriletin bolady. Sondaı-aq Aqsúmbe, Baldysý, Sarjaz eldi mekenderinen jekemenshik balabaqshalar ashylady. Sozaq, Qarataý eldi mekenderindegi aýyldyq klýbtarǵa aǵymdaǵy jóndeý jumystaryn júrgizý, Aqqoltyq, Qaraqur, Tasty eldi mekenderine 75 oryndyq aýyldyq klýb salý úshin joba qujattary ázirlengen.
Túrkistan oblysy
