Koronavırýs týraly alǵashqy áńgime aıtyla bastaǵannan beri jurt arasynda «eki-úsh aıdyń azyǵyn qamdap alý kerek», «medısınalyq maska tabylmaı qalady eken» degen áńgimeler bolǵany ras. Indet irgemizden engende megapolıs turǵyndary tipten dúrligip, úlken azyq-túlik dúkenderindegi qajetti taýarlardyń túgin qoımaı tasyp jatqanyn kózimiz kórdi. Sońǵy kúnderi dárihanalarǵa medısınalyq betperde alýǵa sabylǵandardyń sany artty. Almatyda koronavırýs jaǵdaılary tirkelgeli beri maskalardyń baǵasy kúnnen-kúnge sharyqtap barady. Búginde 1 betperdeniń quny 150 teńgeden asady. Keı jerlerde tipti 200 teńgege deıin saýdalanyp jatyr. Saýdadaǵy respıratorlyq maskalardyń quny da órship tur. Mamandar taǵy da sol alypsatarlarǵa tosqaýyl qoıý múmkin bolmaı otyrǵanyn aıtady. О́ıtkeni betperdeniń kóbi solardyń qolyna ótken. Olar qorǵanys quralyn ınternette kóterme baǵamen satýdy kásipke aınaldyrǵan. Odan bólek kúni keshe tótenshe jaǵdaıǵa baılanysty úılerine qaıtpaq bolǵan stýdentter avtobýs pen taksı baǵasynyń eselep qymbattap ketkenine narazylyq bildirip jatty.
Bul jaǵdaıǵa baılanysty óz oıyn bildirgen dintanýshy Nurlan Baıjigituly qysyltaıań sátte qajetti zattardyń baǵasyn kóterip jiberý adamdyqqa qaıshy áreket ekenin aıtady.
– Qandaı jaǵdaı bolsyn, adamdy eń aldymen sabyrǵa shaqyratyn asyl dinimiz árbir istiń qaıyr jaqsylyǵyn jaratýshydan kútken. Mundaı qıyn sátte halyq yntymaǵyn kórsetýi tıis. Árbir nárse Allanyń qalaýymen bolady. Bul indet te adamzatqa jiberilgen synaq. Osyndaı synaq kezinde bizdiń eldigimiz kórinedi. Eń aldymen, halyqtyń aýyzbirshiligi, yntymaǵy qajet. Basty másele – dúrbeleńge salyp, el arasynda úreı týdyrmaý kerek. Sebebi bul – sharıǵat talaby. Al el arasyna iritki salý dinde de, kúndelikti turmysta da jaqsy emes. Jaý alardaı dúrligip, iri dúkenderde uzyn-sonar kezekke turyp, azyq-túlikti qap-qabymen alyp jatqan aǵaıyndiki de jón dep sanamaımyn. Sonaý qıyn zamandarda qazaqtyń qarapaıym otbasy shetten qysym kórip, elge kelgenderge qushaǵyn ashty. Úılerinde bir kúlshe bolsa, sony balasyna da, basqaǵa da jetkizdi. Bul – peıildiń keńdigi. Ádettegi zattardy shekten tys qymbattatyp jibergen alypsatarlar men saýdagerlerdiń áreketi durys emes. Dinimizde muny ıhtıkar dep ataıdy. Bul bireýdiń aqysyn jeý. Bireý qınalyp jatqanda sonyń ústinen paıda kóremin, tabys tabamyn degen jan bereke tappaıdy, – deıdi Nurlan Baıjigituly.
Almaty qalasynda áleýmettik mańyzy bar azyq-túlikter dúken sóreleri men bazarlarda túrli baǵamen satylyp jatyr. Mamandar baǵanyń aldaǵy kúnderi sharyqtamaıtynyn, onyń qatań baqylaýda bolatynyn aıtýda. Máselen, halyqtyń suranysyndaǵy sarymsaqtyń quny kelisine 2500 teńgege jetken. Bir basy – 150 teńge.
Bastysy, shaharda azyq-túlik jetispeýshiligi joq. Bazarlarda jumys qalypty júrip jatyr. Al koronavırýsten saqtaný úshin dúken qyzmetkerleri túgeldeı betperde taǵyp jumys isteýde.
«Barlyq jabdyqtar sanıtarlyq tazalaýdan ótedi. Qyzmetkerlerge baqylaý kúsheıtildi. Olardy jumysqa kelerinde teplovızormen tekserip ótkizedi. Dene qyzýy kóterilgen jaǵdaıda, jumysqa jiberilmeıdi. О́tken jumada tarazyǵa tartylyp satylatyn qaptalmaǵan, qant, kúrish sııaqty taýarlardy, ashyq satylyp kelgen nan ónimderin satylymnan alyp tastadyq. Bizdiń dúkenniń qyzmetkerleri barlyq gıgıenalyq normalardy ustana otyryp, betperde, qolǵap kıip, ózderi qaptaıdy», dedi kompanııanyń PR-menedjeri Dmıtrıı Shıshkın.
ALMATY
