Sońǵy kúnderi eldegi tótenshe jaǵdaıǵa baılanysty, qorǵanys quralyna suranys artty. Dárihanalarda betperdeler jetispeıdi, ári búkil turǵyndardy qamtamasyz etý múmkindigi bolmaı tur.
Qaraǵandy oblysy QHA Analar keńesiniń músheleri mata satyp alyp, betperdelerdi tikse, jas eriktiler olardy qala turǵyndaryna taratyp qana qoımaı, saqtyq sharalary týraly aqparattandyrdy.
«Álemdi, elimizdi alańdatqan pandemııaǵa baılanysty syn saǵatta qur tekke otyra berý áste jaraspaıdy. Osyndaı kezde eriktiler jerlesterine kómektespegende qaı kezde kómektesedi. Biz búgin avtobýs júrgizýshilerine de saqtyq quraldaryn tarattyq. Qoǵamdyq kólik júrgizýshileri – kún saıyn halyqpen eń kóp baılanysta bolatyn qoǵamnyń osal toptarynyń biri bolyp tabylady ǵoı. Bul sharany ári qaraı da jalǵastyratyn bolamyz», deıdi olar.
