Arnaıy baza turǵyndardyń qaýipsizdigin saqtaý maqsatynda qurylǵan. Aldaǵy kúnderde másele ýshyqqan jaǵdaıda barlyq málimetter men derekter osy qurylym arqyly jetkizilmek. Mundaı ortalyqtardy negizinen mektepte ornalastyrýǵa basymdyq berilgen. Olardyń mekenjaıyn áleýmettik jeliler arqyly habarlandyrý kózdelgen. Jergilikti memlekettik organdar ókilderi atalǵan sektorlar aıasynda is-qımyl tanyta bastady.
Búginde oblys ortalyǵynda saqtandyrý sharalary úshin qalaǵa taıaý jáne alys shetelderden ushaq jáne temirjol qatynastary arqyly kelgen jolaýshylardy testileý tásili boıynsha qatań baqylaý men tekserý jumystary júrgizilýde. Bul baǵytta medısına mamandary men ózge de ókiletti organ ókilderi ýaqytpen sanaspaı jumys isteýde. Árıne óńirde koronavırýstan saqtanýǵa qatysty barlyq másele túbegeıli sheshimin tapty deýge erterek. Atap aıtqanda, qazir medısınalyq bet-perde jetispeıdi. О́ńirdegi kásiporyndar men shaǵyn tigin sehtary óz qyzmetin odan ári shırata túsýi qajet-aq. Sondaı-aq turǵyndardyń aıtýynsha, qala dárihanalarynda deneniń qyzýyn túsiretin «Parasetamol» preparaty tabyla bermeıdi.
Sonymen birge ortalyq bazar men temirjol vokzaly mańynda tıisti sanıtarlyq normalar saqtalmaıtyny aıtylady. Birqatar qoǵamdyq kóliktiń zararsyzdandyrylmaǵany da qala turǵyndarynyń oryndy ókpe-renishin týǵyzǵan-dy.
– Avtobýstar men aıaldamalarda kúnine eki ret dezınfeksııa jumystaryn júrgizý qolǵa alyndy. Soǵan sáıkes 347 avtobýs pen 280 aıaldamaǵa zalalsyzdandyrý sharalary jasaldy. Qala bıýdjetinen bul maqsatqa
42 mıllıon teńge bólindi. Aldaǵy kezde qajettilikke qaraı taǵy da qosymsha qarajat kózderi qarastyrylmaq, – deıdi bul rette qala ákimi.
AQTО́BE
