Aımaqtar • 27 Naýryz, 2020

Elordadaǵy №1 avtobýs parki karantınge jabyldy

76 retkórsetildi

Monıtorıng barysynda №1 avtobýs parkiniń qyzmetkeri koronavırýs juqtyrǵan adammen baılanysta bolǵany anyqtaldy. Qyzmetkerler men jolaýshylardyń qaýipsizdigin qamtamasyz etý úshin avtopark karantınge jabyldy. Avtopark pen avtobýstar dezınfeksııadan ótti. Qyzmetkermen jaqyn qarym-qatynasta bolǵandardyń bir bóligi stasıonarǵa jatqyzylsa, al qalǵandary úı karantıninde. Bul týraly elorda ákimdiginiń baspasóz qyzmeti habarlady.

2020 jyldyń 27 naýryzynan bastap elordada jolaýshylarǵa avtobýstyń aldyńǵy esigi arqyly kirýge tyıym salyndy. Júrgizýshiler otyratyn jer arnaıy lentamen qorshaldy. Qolma-qol aqsha tóleýge bolmaıdy. Qolma-qol aqshasyz tólemder ǵana qabyldanady (Búgingi tańda qolma-qol aqshasyz tólem úlesi 98% - dy quraıdy).

26 naýryzdan bastap avtobýstar keshki saǵat 19.00-ge deıin ǵana júredi.

28 naýryzdan bastap karantındik aımaqta ornalasqan barlyq qala mańyna qatynaıtyn avtobýstardyń qozǵalysy ýaqytsha toqtatyldy. Olar Qosshy, Taıtóbe, Jibek Joly, Talapker, Qoıandy, Qyzylsýat, Y.Altynsarın, "Nurly" saıajaı kentteri (№ 301, 302, 303, 304, 306, 307, 313, 314, 319, 320, 321, 322, 326).

QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń sheshimine sáıkes 28 naýryz saǵat 00.00-den bastap birqatar qosymsha qatań shara bekitildi:

1. Azyq-túlik, dári-dármek satyp alýdy jáne jumysqa barýdy qospaǵanda, azamattardyń turǵyn úıden shyǵýyn shekteý;

2. Halyq kóp jınalatyn oryndardy jabý (saıabaqtar, skverler, jaıaý júretin kósheler, jaǵalaýlar, oıyn alańdary jáne t. b.);

3. Qoǵamdyq kólik jumysyn kezeń-kezeńmen shekteý;

4. Kóshelerde jáne basqa da qoǵamdyq oryndarda úsh adamnan artyq toptasyp jınalýǵa tyıym salý (otbasy múshelerinen basqa);

5. Kámelettik jasqa tolmaǵandardyń úlkendersiz syrtta júrýine tyıym salý.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar