«coronavirus2020.kz - memlekettiń resmı saıty. Qazaqstan Respýblıkasynda bolyp jatqan oqıǵalardyń sońǵy málimetteriniń barlyǵy tek qana osy saıtta ornalastyrylǵan. Tek qana resmı málimetke júginý kerek. Resmı málimetke júgine otyryp, azamattar memleket tarapynan qandaı jumys atqarylyp jatqanyn bile alady. Basqa beıresmı chat-bottar, saıttardyń aqparat alatyn derekkózi memlekettik ne basqa ekenin biz teksere almaımyz», deıdi O. Ábishev.
Jıi qoıylatyn suraqtar úshin mınıstrlik arnaıy telegram-botty (@kz_hls_bot) iske qosqan.
«Telegram-bot arqyly DSM atynan ulttyq densaýlyq saqtaý ortalyǵynyń júıesinde telegram botty iske qostyq. Onyń negizgi maqsaty: koronavırýs degenimiz ne, qalaı saqtanýǵa bolady, maskany qalaı taǵý kerek syndy aqparattardy jiberip otyrý. Bul botqa Dúnıejúzilik ulttyq densaýlyq saqtaý uıymymen jáne QR Densaýlyq saqtaý mınıstrligimen birlese otyryp, tek qana dáleldengen aqparattardy jiberip otyramyz», dedi vıse-mınıstr.
Qazirgi tańda botqa 17 myńnan astam jazylýshy tirkelgen. Jaýaptyń bári ǵylymı túrde bekitilgen jáne Ulttyq densaýlyq saqtaý uıymymen rastalǵan.
Indettiń belgilerin onlaın anketany toltyrý arqyly anyqtaýǵa bolady.
«Semeı medısınalyq ýnıversıtetimen birlese otyryp onlaın anketa jasadyq. Mysaly, azamattardyń birinde kúdik paıda bolyp, sımptom belgilerine qarap koronavırýs pa, joq pa degen suraqtar týyndasa, 103 nemese 1406-ǵa qońyraý shalmas buryn, saıtqa kirip, 3-4 suraqqa jaýap berýi tıis. Ári qaraı biz oǵan nusqaý beremiz», dedi Oljas Ábishev.
Vıse-mınıstrdiń aıtýynsha, onlaın anketany toltyrǵan soń 2 sekýnd ishinde jaýap beriledi.
