Qazaqstan • 27 Naýryz, 2020

Búgin - Halyqaralyq teatr kúni

22 retkórsetildi

Búgin - Halyqaralyq teatr kúni, «Astana Opera» Dj.Pýchchınıdiń áıgili «Týrandot» operasyn TENGRINEWS TV-den kórsetpek, sonymen qatar jaqyn arada #Bizbirgemiz jobasy aıasynda Mádenıet jáne sport mınıstrligimen uıymdastyrylǵan YouTube platformasynda «Astana Opera» ártisteriniń óner kórsetýi josparlanǵan. Bul týraly teatrdyń baspasóz qyzmeti habarlady.

Jappaı karantın álemniń túgel derlik sahnalyq alańdarynyń josparyn ózgertti, alaıda, bul adamdardyń ónerge degen qyzyǵýshylyǵy toqtady degendi bildirmeıdi. Statıstıka kórsetkendeı, ınternet arqyly opera jáne balet klassıkasyn tamashalaý sany ondaǵan esege artqan.

Sahnalarynda Qazaqstan elordasynyń trýppasy ónerin pash etken «Astana Operanyń» turaqty seriktesteri men dostary da búgingi tańda karantındik sharalardy ustanýda. Kópshiligi barlyq spektaklderin, konsertterin ótkizbeý ne bolmasa keıinge qaldyrý týraly sheshim qabyldap, kórermender úshin onlaın kórsetilimder uıymdastyrdy.

Osylaısha, Karlo Felıche teatry 21 naýryz kúni óziniń streamingcarlofelice.com saıtynda «Astana Opera» balet trýppasynyń 2019 jylǵy 11 qańtarda gastroldik baǵdarlama aıasynda ıtalıandyq sahnada usynǵan «Aqqý kóli» balettik spektaklin kórsetti.

Bıyl elordalyq ujym óziniń jetinshi kásibı merekesin atap ótedi. Teatrlyq ólshem boıynsha ázirge jas shaǵyna qaramastan, osy jyldar ishinde qanshama dúnıe jasalyndy. Mádenıet jáne sport mınıstrliginiń qoldaýymen ótken kóptegen gastrolder, sonyń ishinde álemdik týrne, ártisterdiń halyqaralyq baıqaýlardaǵy jeńisi, áıgili maıtalmandarmen spektaklderdiń qoıylymdary – osynyń bári halyqaralyq arenada «Astana Opera» brendin tanymal ári bedeldi etti.

«Astana Operanyń» úzdik spektaklderine Karnegı-holl, Parıj operasy, Meridian Hall Stadsschouwburg, De Doelen, Karlo Felıche teatry, Rım opera teatry, Valensııadaǵy Sofııa patshaıymnyń óner saraıy, Maskattaǵy Koroldik opera teatry, Marıın teatry, «Sankt-Peterbýrg Opera» teatry, D.A.Hvorostovskıı atyndaǵy Krasnoıarsk memlekettik opera jáne balet teatry, Memlekettik Kreml saraıy, Á.Naýaı atyndaǵy MAÚT jáne basqa da teatrlardyń ónersúıer qaýymy laıyqty baǵasyn berdi.

Búginde «Astana Operanyń» repertýary kórnekti ulttyq kompozıtorlardyń shyǵarmalaryn – M.Tólebaevtyń «Birjan – Sara», A.Jubanov pen L.Hamıdıdiń «Abaı», E.Brýsılovskııdiń «Qyz Jibek» operalaryn, Ǵ.Jubanovanyń «Qaragóz» baletin qamtıdy. Al álemdik klassıka 30-ǵa jýyq ataqty spektakldermen usynylǵan.

Repertýardyń qalyptasýyna óner álemindegi aıtýly tulǵalar – bas dırıjer – Alan Bóribaev pen balet trýppasynyń kórkemdik jetekshisi – Altynaı Asylmuratova zor úlesin qosyp keledi.

«Astana Operanyń» barsha shyǵarmashylyq ujymynyń zor maqtanyshy – alǵash ret A.Jubanov, L.Hamıdıdiń «Abaı» operasy úshin tabys etilgen Qazaqstan Respýblıkasynyń ádebıet pen óner salasyndaǵy Memlekettik syılyǵy boldy (2018). Bir jyldan keıin teatr qyzmeti «Jyldyń úzdik konserttik/teatrlyq alańy» atalymynda BraVo halyqaralyq kásibı mýzyka syılyǵymen atap ótildi.

«Astana Opera» spektaklderi  Franko Dzeffırellı, Iýrıı Grıgorovıch, Borıs Eıfman, Altynaı Asylmuratova, Andrıs Lıepa, Alan Bóribaev, Djankarlo del Monako, Per Lýıdjı Pıssı, Lorenso Amato, Lýka Ronkonı, Davıde Lıvermor, Raımondo Rebek  syndy ataqty sheteldik jáne otandyq mádenıet qaıratkerleriniń qoıylymynda; kórnekti  ssenograf Esıo Frıdjerıo  men  kostıýmder boıynsha sýretshi  – «Oskar» syılyǵynyń ıegeri Franka Skýarchapıno, sondaı-aq daryndy qazaqstandyq sýretshiler Sofıa Tasmaǵambetova, Pavel Dragýnov, Arasel Dosmuratovanyń qatysýymen ótedi.

«Astana Opera» memlekettik opera jáne balet teatrynda turǵyndardyń barlyq áleýmettik toptarynyń, sonyń ishinde múmkindigi shekteýli jandardyń kelýine jaǵdaı jasalǵan. Olar úshin teatrda «kedergisiz orta» aımaǵy bar: keń ashylatyn esikter, qaýipsiz pandýstar, arnaıy lıft jáne spekaklder men konsertterdi tamashalaýy barynsha qaýipsiz ári jaıly bolýy úshin basqa da qajetti atrıbýttar qarastyrylǵan.

Búgingi tańda teatrdaǵy tirshilik toqtaǵan joq: ǵımarat muqııat tazartylyp, zararsyzdandyrý jumystary jalǵasýda, osylaısha, teatr ujymy klassıkalyq óner tabynýshylarymen kezdesýdi asyǵa kútýde.

Sońǵy jańalyqtar

EAEO Qazaqstannyń usynysyn qoldady

Qazaqstan • Búgin, 19:57

Jetisaılyq jomart jandar

Aımaqtar • Búgin, 19:53

Indettiń ataýynda qandaı mán bar?

Koronavırýs • Búgin, 19:46

Fýtbol: Havı qaırymdylyq kórsetti

Fýtbol • Búgin, 19:25

Túrkistanda qurylys toqtamaıdy

Aımaqtar • Búgin, 19:23

Ishan baǵy qaıta qalpyna keledi

Rýhanııat • Búgin, 18:48

COVID-19: Indet juqtyrǵandar sany 525-ke jetti

Koronavırýs • Búgin, 17:28

Qaraǵandy oblysy onlaın-oqytýǵa daıyn

Aımaqtar • Búgin, 16:41

? (Suraq belgisi) Poema

Ádebıet • Búgin, 16:23

Senzýrasyz Abaı

Rýhanııat • Búgin, 14:34

BQO: 108 myń oqýshy qashyqtan oqıdy

Aımaqtar • Búgin, 13:23

Qyzylorda: Bir aptanyń baıany

Aımaqtar • Búgin, 12:52

Uqsas jańalyqtar