Qazirgi tańda QR QK arnaıy bólimshelerimen zalalsyzdandyrýǵa avtobýs aıaldamalary, jaıaý júrginshiler joly men avtokólikterdiń turaqtary jatady. Is-sharalardy júrgizý úshin jeke quram arnaıy tehnıkamen, gazsyzdandyrý qorǵanys jıyntyǵymen jáne zalalsyzdandyrý eritindilermen qamtamasyz etilgen.
- Bizdiń basty maqsatymyz – ınfeksııanyń taralýyn toqtatý. Koronavırýstyń jańa túri aýada 3 saǵattan astam, al zattardyń ústinde 48 saǵat saqtalyp, aýa-tamshy jolymen juǵý qaýipi joǵarylaıdy. Sondyqtan kósheler men qoǵamdyq oryndardy zalalsyzdandyrý koronavırýspen kúrestegi mańyzdy jumys. Búgingi tańda jalpy kólemi 1 mln 329 m2 quraıtyn 81 nysan zalalsyzdandyrylyp, atalǵan jumysqa 500-ge jýyq adam jáne 24 «ARS-14» avtoquıylmaly stansalary tartyldy, - dep atap ótti maıor Almas Qasymhanov.
Búginde Almaty qalasynyń aınalasynda qoıylǵan 21 blokbekette karantın rejımin qamtamasyz etý boıynsha is-sharalaryna 230-ǵa jýyq áskerı qyzmetshi qatysýda.
ALMATY
