Qazaqstan Respýblıkasynyń aýmaǵynda tótenshe jaǵdaı engizilýine baılanysty ýákiletti organdar ókilderinen quralǵan komıssııa Oral qalasynda oıyn-saýyq ǵımarattary men dúkenderin tótenshe jaǵdaı talaptarynyń saqtalýyn tekserdi.
- Álemdi jaılaǵan indetke baılanysty elimizde tótenshe jaǵdaı engizilip, salynǵan tyıymdarǵa qaramastan, keı azamattar óz qyzmetkerlerine de, basqa halyqqa da vırýs juqtyrý qaýpin tóndirip, jumysyn jalǵastyryp jatqany anyqtaldy, - deıdi Batys Qazaqstan oblystyq sotynyń baspasóz hatshysy Nurgúl Qanatbaeva.
Máselen tek 24-25 naýryz kúnderi Oral qalasynyń mamandandyrylǵan ákimshilik soty Qazaqstan Respýblıkasyndaǵy tótenshe jaǵdaıdy buzǵany úshin ákimshilik quqyq buzýshylyq týraly 12 isti qaraǵan.
Sóıtip, sot sheshimimen 2 áıel, 6 er adam 3 kúnnen 10 kúnge deıin ákimshilik qamaýǵa alynǵan. Al qalǵan 4 tulǵa otbasy jaǵdaıy baılanysty qamaýdan bosatylyp, 10 aılyq eseptik kórsetkishi mólsherinde aıyppul salyndy.
Batys Qazaqstan oblysynyń bas memlekettik sanıtarlyq dárigeriniń 2020 jylǵy 21 naýryzdaǵy № 2 buıryǵyna sáıkes aýdany 2000 sharshy metrden kem emes saýda nysandarynyń jumysy tańerteńgi saǵat 9.00.-den keshki 21.00.-ge deıin ǵana bolýy tıis. Bul jóninde óńirdegi barlyq ınternet-resýrstarda jáne buqaralyq aqparat quraldarynda jarııalanǵan.
Batys Qazaqstan
