Aýdandaǵy Masanshy, Bular batyr, Aýqatty jáne Qarasý aýyldarynda barlyǵy 40 turǵyn úı, 20 kommersııalyq nysan jáne 5 sharýashylyq nasyndary órtengen. Bul oraıdaǵy barlyq jumystar «Shıvon» qaıyrymdylyq qory jınaıtyn demeýshilik qarajat esebinen júrgiziletin bolady. Búginde órtten zardap shekken 39 otbasyna oblystyq rezervten jalpy kólemi 20,6 mıllıon teńge qarajat bólindi. Sondaı-aq, memlekettik materıaldyq rezervten turǵyn úı-jaılardy qalpyna keltirý úshin 26 tonna armatýra, 16 750 m2 jabyn materıaly, 400 m3 aǵash bólingen.
Al, ishinara zaqym alǵan jyljymaıtyn múlik nysandary demeýshilik qarajat esebinen qalpyna keltirilgen. Zardap shekken otbasylarǵa kómek kórsetý maqsatynda qaıyrymdylyq qorlaryna 22,5 mıllıon teńge qarajat túsken. Qazirgi tańda 9 otbasyna asyraýshysynan aıyrylýyna baılanysty járdemaqy taǵaıyndalǵan. Sonymen qatar, qaza tapqandardyń otbasylaryna jalpy kólemi 8,2 mıllıon teńgeden astam qarjyǵa demeýshilik kórsetilgen. Al, zaqymdalǵan kólik ıelerine tólenetin ótemaqy kólemi qylmystyq isterge qatysty tergeýler aıaqtalǵannan keıin anyqtalady. Jalpy, aqpan jáne naýryz aralyǵynda zardap shekken otbasylarǵa 121,6 tonna kólemde gýmanıtarlyq kómek kórsetilgen. Olardyń ishinde azyq-túlik, dári-dármek, ydys-aıaq, gıgıenalyq jáne basqa da qajetti buıymdar bar. Qazirgi ýaqytta aýdandaǵy ahýal turaqty.
Jambyl oblysy
