Qazaqstan • 27 Naýryz, 2020

Elordada indetten kóz jumǵan jan Almatyda qonaqta bolǵany ras pa?

349 retkórsetildi

Búgin, 27 naýryz túski 12.00 kezindegi epıdemıologııalyq jaǵdaıda baılanysty Almaty ákimdiginiń baspasóz ortalyǵynda Qoǵamdyq densaýlyq basqarmasy basshysy Tileýhan Ábildaev kezekti onlaın-brıfıngin ótkizdi.

Tileýhan Ábildaevtyń málimeti boıynsha, búgin Almatyda koronavırýstyq ınfeksııasy bar pasıentterdiń 48 rastalǵan jaǵdaıy anyqtaldy. Qalanyń Qalalyq juqpaly aýrýlar stasıonarlarynda 47 pasıent bar jáne 1 pasıent jazyldy.

Jańadan anyqtalǵan bes adamnyń ishinen tórteýi 26 naýryzda Mınsk–Almaty reısimen, taǵy ekeýi 26 naýryzda Máskeý–Almaty reısimen ushyp kelgen.

Aýyrǵandardyń biri 15 naýryzda Ystambul–Almaty reısimen ushyp kelgen naýqaspen jaqyn baılanysta bolǵandyqtan 18 naýryzda oqshaýlanǵan, bastapqy taldaý qorytyndylary teris nátıje bergen. 2020 jylǵy 26 naýryzda taldaýdy qaıta tapsyrǵan kezde oń nátıje shyqty, osy ýaqytta ol oqshaýlaýda boldy.

Jalpy 45 naýqastyń jaı-kúıi – qanaǵattanarlyq, О́JJ apparatyndaǵy áıeldiń jaǵdaıy aýyr jáne 1 balanyń jaǵdaıy ortasha aýyr, biraq jaqsaryp kele jatqany baıqalady.

«Bir pasıenttiń keshe úıine shyǵarylǵandyǵyn esterińizge sala keteıik. Bul pasıent endi emhana qyzmetkerleriniń 14 kúndik baqylaýymen úıde jatyr.

Qazirgi ýaqytta provızorlyq ortalyqtarda 1099 adam bar, onyń ishinde 72-i – bala. Karantındik ortalyqtarda 471 adam bar. Úı karantıninde 2037 adam bar.

Karantındegi barlyq adamnyń dene temperatýrasy qalypty jaǵdaıda, kataraldyq sımptomdary joq.

Elge qaısybir elden ushyp kelse de, analız tapsyrý úshin eki kúndik karantınge ornalastyrylatyndyǵyn esterińizge sala keteıik. Mundaı sharalar halyq arasynda koronavırýstyq ınfeksııanyń taralýyn boldyrmaý úshin qabyldandy. Olardan COVID-19-ǵa taldaýlar alynatyn bolady, eger ınfeksııa rastalmasa, olar úılerine shyǵarylady» dedi Qoǵamdyq densaýlyq basqarmasynyń basshysy.

Sondaı-aq, jýrnalıster brıfıng barysynda elordada qaıtys bolǵan naýqastyń Almatyda qonaqta bolǵany týraly aqparattyń qanshalyqty shyndyqqa janasatyndyǵyn surady.

Qalalyq Qoǵamdyq densaýlyq basqarmasy basshysy marqummen Almatyda qoıan-qoltyq baılanysta bolǵan alty adamnyń gospıtalge oqshaýlanǵanyn málimdedi. Jáne indetten kóz jumǵan adamǵa baılanysty barlyq tıisti aqparattardyń bar ekenin atady.

 

ALMATY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar