Aımaqtar • 27 Naýryz, 2020

Shymkent: 28 naýryzdan bastap qala aýmaǵyna kólik pen azamattardyń kirip-shyǵýyna shekteý qoıylady

843 retkórsetildi

Bul týraly shuǵyl túrde  «Ońtústik» telearnasynda málimdeme jasaǵan qala ákimi Murat Áıtenov aıtyp berdi.

Qala basshysynyń habarlaýynsha, Shymkent qalasynyń eki turǵyny qaýipti indetti juqtyrǵan. Qazirgi tańda naýqastar qalalyq ınfeksııalyq aýrýhanada emdelýde. Densaýlyqtary birqalypty. Al, qaýipti indettiń taralyp ketpeýi úshin olar turǵan eldi meken oqshaýlanǵan. 

«Ol adamdarmen baılanysta bolǵan 26 adam karantınge jatqyzylyp, test saraptamasy alyndy. Qazirgi tańda nátıjesi kútilýde. Osy eki adamnyń turǵylyqty jaıy qalaǵa qarasty Abaı aýdany, «Táýelsizdikke 20 jyl» turǵynalaby bolǵandyqtan, osy eldi meken 14 kúnge karantınge jabyldy. Sonymen qatar, qaladaǵy avtovokzal men avtobeketterdiń jáne balabaqshalardyń jumysy ýaqytsha toqtatyldy», - deıdi Murat Áıtenov. 

Qala ákimi sonymen qatar ınfeksııanyń taralýyna jol bermeý úshin, 28 naýryzda túngi saǵat 00:00-den bastap shaharda biratar shekteý sharalary engiziletinin jetkizdi. Aıtýynsha bul sharalar QR Prezıdenti janyndaǵy Tótenshe jaǵdaı rejimin qamtamasyz etý jónindegi Memlekettik komıssııanyń kelisimine sáıkes júrgizilmek. 

Sonymen qatar shahar basshysy qala turǵyndary men qonaqtaryna tótenshe jaǵdaı kezinde qolǵa alynatyn erejeler men talaptardy tórt baǵyt boıynsha tarqatyp aıtyp ótti.  

«Birinshiden, Shymkent qalasy áýejaıynyń, temirjol vokzalynyń jumystary, avıa jáne temirjol qatynastary tolyq toqtatylady. Sonymen qatar, avtokólik bazarlary, azyq-túlik jármeńkeleri, mobıldi telefon satatyn dúkenderdiń jumysy toqtatylady. Bul rette, qala turǵyndary men qonaqtaryna, kommersııalyq jáne kommersııalyq emes uıymdarǵa menshik túrine qaramastan barlyq jaılarda, turǵyn úılerde jáne aýmaqtarda, dinı nysandarda jeke, otbasylyq, eske alý is-sharalaryn jáne basqa da saltanattar, jıyndar ótkizýge qatań tyıym salynady. Barlyq saýda nysandaryna óz taýarlary men qyzmetterin satýda onlaın rejámge kóshýdi usynamyn.  

Ekinshiden, buǵan deıin qyzmetine shekteý engizilgen barlyq saýda jáne basqa da nysandarda, kelýshiler men satýshylar úshin medısınalyq betperdelerdi kııýdi talap etetin sanıtarlyq jáne dezınfeksııalyq sharalar kúsheıtiledi. Sonymen qatar, mal bazarlary tek jeksenbi kúni saǵat 11:00-den 17:00-ge deıin jumys isteıtin bolady. 

Úshinshiden, qoǵamdyq tamaqtaný oryndarynyń (kafe, meıramhana jáne taǵy basqalar) qyzmetine kúndizgi saǵat 10:00-den 18.00-ge deıin shekteý engiziledi. Al, saǵat 18-den 22-ge deıin qoǵamdyq tamaqtaný oryndarynyń jumysyn «taǵamdardy úıge jetkizý jáne ózimen alyp ketý» rejiminde júzege asyrylady. Sondaı-aq, tamaqtaný oryndary kireberiste klıentterdiń temperatýrasyn baqylaýǵa jáne qoldaryn sanıtarlyq óńdeýge mindetti. Klıentterdi «kelýshiler arasynda bir bos ústel qashyqtyǵy» formaty boıynsha, zalda 50 adamnan aspaı otyrǵyzýǵa mindetti. 

Tórtinshiden, Shymkent qalasynyń aýmaǵyna saǵat keshki 21.00-den tańǵy saǵat 07:00-ge deıin avtokólikter men azamattardyń kirýine jáne shyǵýyna tyıym salynady. Bul shekteýlerdiń tranzıttik kólikter men azyq-túlik tasymaldaıtyn kólikterge qatysy joq. Besinshiden, qaladaǵy qoǵamdyq kólikterdiń jumysy tańǵy saǵat 06:00-den 21:00-ge deıin shekteledi»,- dedi tikeleı efırde Murat Dúısenbekuly.

Sońǵy jańalyqtar

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Ulttyq online aıtys ótkizbek

Rýhanııat • Keshe

Uqsas jańalyqtar