Atalǵan beketterde polısııa men sanıtarlyq qyzmet mamandary kezekshilik etedi. Olar júrgizýshiler men jolaýshylardyń densaýlyq jaǵdaıyn tekseredi. Chǵnı, teplovızordyń kómegimen temperatýralyq baqylaý júrgiziledi.
Búgingi kúnge deıin Qaraǵandy oblysynda koronavırýs ınfeksııasyn tórt adamnyń juqtyrǵany rastaldy. Olardyń bári syrttan kelgen, Qaraǵandy oblysynyń turǵyndary emes. Naýqastar qazir oqshaýlanǵan bokstarda emdelýde. Dárigerler olardyń jaǵdaıyn qanaǵattanarlyq dep baǵalaıdy.
Karantınde 295 adam táýlik boıy baqylaýǵa alynǵan. Bul 1A sanatyndaǵy elderden oralǵan nemese shartty túrde juqtyrǵan adamdarmen baılanysta bolǵan azamattar. Taǵy 342 adam úı jaǵdaıynda karantınnen ótýde.
Oblysta 9 myńnan astam nysanda sanıtarlyq-dezınfeksııalyq rejım kúsheıtilgen. Tártip buzýshylyqtar qatań qadaǵalanady jáne jedel túrde joıylady. Kináli adamdarǵa aıyppul taǵylady nemese ákimshilik qamaýǵa alynady.
Qazirgi tańda polısııa qyzmetkerleri ákimshilik sotqa 80-nen astam is tapsyrdy. Onyń 28-i boıynsha sheshim shyǵaryldy. 11 jaǵdaıda ákimshilik qamaýǵa alynyp, al qalǵandary boıynsha aıyppul salyndy. Aldaǵy ýaqytta taǵy 54 is qaralatyn bolady.
Qaraǵandy oblysy
