Qazaqstan • 27 Naýryz, 2020

Meshit pen túrme de maska tigýge kiriskenimen másele áli sheshilgen joq

180 retkórsetildi

Jasyratyny joq, elimizde koronavırýs juqtyrǵandardyń sany kún saıyn kóbeıip, tipti, osy indetten alǵashqy adam ólimi tirkelse de maska tapshylyǵy áli kúnge sheshilgen joq.

Indýstrııa jáne ınfraqurylymdyq damý mınıstrliginiń aqparat quraldaryna bergen sońǵy málimetterine qaraǵanda barlyq maskalardyń kúndelikti kólemi 860 608 birlikti quraıdy, onyń 272 myńyn farmasevtıkalyq kompanııalar, 587 myńyn – tigin kompanııalary daıyndaýda. Odan bólek, qoımalarda – 807 120 dana betperde bar kórinedi.

Indet órshigen saıyn maska tigý óndirisi de keńeıip keledi. Maska tigetin otandyq kásiporyndar bul iske shamasy jetpeı jatqandyqtan jergilikti atqarýshy organdarmen birlesip betperdeler óndirisine taǵy 70-ten astam tigin kásiporyndary tartyldy. Osydan keıin «Bul táýligine 1 mln. danaǵa deıin maska óndirýge múmkindik beredi» degen aqparattar taratyldy.

Maska tigý isine tipti, Qylmystyq-atqarý júıesi komıtetiniń «Eńbek» respýblıkalyq memlekettik kásiporny, qarapaıym tilmen aıtqanda, túrmede jazasyn óteýshiler de kirisip ketti. Qazir qylmystyq-atqarý júıesi mekemeleriniń óndiristik alańdarynda myńnan astam tigin stanoktary jumys isteıdi. Ishki ister organdarynyń qyzmetkerleri paıdalanatyn bir rettik, sonymen birge kóp ret qoldanylatyn qorǵanysh maskalaryn tigý jolǵa qoıylyp, táýligine 50 myń maska shyǵarady.

Shyǵys Qazaqstan oblystyq «Halıfa Altaı» meshitinde betperde tigetin tigin sehy iske qosyldy. Taǵy bir óńirde osyǵan deıin qapshyq tigip kelgen kásiporyn endi maska tigýmen aınalysýǵa kóshti. Áleýmettik jelilerde qanshama jeke adamdar maskany qoldan tigip jatqanyn jarysa jazýda. Odan elordada jáne Aqtóbe oblysynda maska jáne antıseptıkti zańsyz satqan 40 adam ákimshilik jaýapkershilikke tartylyp, 4 mln maska men 13 myń lıtr antıseptık tárkilendi. Olar densaýlyq saqtaý mekemelerine berildi. Mine, maska tóńireginde osyndaı aqparattardan aıaq alyp júre almaısyz.

Biraq, medısınalyq betperde tabý áli qıyn. Dárihanalar «joq» degennen basqany bilmeıdi. Búgin tańerteń ǵana elordalyq jýrnalıster áleýmettik jelilerde «dárihanalardan maska joq» degen máseleni taǵy kóterip jatyr. Ońtústiktegi áriptesterimizge telefon shalsaq, olarda da osyndaı jaǵdaı. Maska jetispeıdi. Ákimder dárihana kirse maska tolyp turady, ketken soń on mınýtta taýsylady. Jergilikti halyq ákimderdiń bul áreketin kózboıaýshylyqqa balaýda.

Sonymen búkil el bolyp jumylyp tigip jatqan maskalar qaıda? Qaıda barsańyz da, elimizdiń qaı qala, qaı aýylyna barsańyz da, maska problemasy aldyńyzdan shyǵady. Aqpan aıynyń basynda Densaýlyq saqtaý mınıstrligi otandyq betperde óndirýshiler men dıstrıbıýterlerdiń barlyq qordy Qytaıǵa satyp jibergenin málim etken bolatyn. Odan beride baqylaý kúsheıdi, tártip qatańdatyldy. Endi qaıda ketip jatyr? Koronavırýs kún saıyn alqymnan alyp, tynysymyzdy taryltyp kele jatqanda qarapaıym betperdemen qamtamasyz ete almaý halyqty tipten túńildirip jiberedi emes pe?

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar