Qoǵam • 27 Naýryz, 2020

1414 call-ortalyǵyna 500 myńnan astam qońyraý soǵyldy

20 retkórsetildi

Naýryzdyń 26 kúni 1414 call-ortalyǵy ádettegiden 30 ese kóp qońyraý qabyldady. Atap aıtqanda, 1414 biryńǵaı baılanys ortalyǵyna 598 423 ret qońyraý soǵylǵan.

Baılanys ortalyǵy júktemesiniń artýyna baılanysty azamattarǵa keńes berý jumysyna HQKO-nyń 1800-den astam qyzmetkeri qosyldy, sondaı-aq baılanys arnalarynyń ótkizý qabiletin jáne barlyq qońyraýlarǵa qyzmet kórsetý úshin telefonııa qýatyn arttyrý boıynsha sharalar qabyldandy. Endi bir mezgilde myńnan astam qońyraýdy qabyldaýǵa múmkindik bar.

«Ulttyq aqparattyq tehnologııalar» AQ tóraǵasynyń orynbasary Dıas Qadyrovtyń aıtýynsha, «azamattar 1414 ortalyǵyna saǵat 9.00-den 12.00-ge deıin jáne saǵat 15.00-den 17.00-ge deıin óte kóp habarlasqan. Al, saǵat 12.00-den 15.00-ge deıin baılanys ortalyǵyna habarlasýshylar sany azaıǵan. Osy ýaqytta ótinish bildirgen azamattardyń qajetti keńesti tez alýyna múmkindigi mol».

Qazaqstandyqtar 1414 ortalyǵyna onlaın qyzmet alý máseleleri boıynsha kún saıyn demalyssyz, saǵat 9.00-den 21.00-ge deıin habarlasa alady. Baılanys ortalyǵy qyzmetkerleriniń ESQ alýǵa ótinish bildirgen azamattardy jeke kýáligindegi sýretine qarap, beınebaılanys arqyly sáıkestendirýmen aınalysatynyn da atap ótken oryndy. Eger de habarlasqan adamnyń telefon nómiri mobıldik azamattar bazasynda tirkelmegen jaǵdaıda ǵana beınebaılanys arqyly sáıkestendirý talap etiledi.

Búginde memlekettik qyzmetterdiń 80%-yn onlaın alýǵa bolady. Olardy azamattar egov.kz elektrondyq úkimet saıty, eGov mobile qosymshasy, egovkzbot2.0 telegram arnasy jáne Facebook, VKontakte áleýmettik jelileri arqyly ala alady.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar