Koronavırýstan adam qaıtys bolýyna baılanysty týyndaǵan suraqtarǵa mınıstr jaýap berdi.
«Bas sanıtardyń resmı qaýlysynda qatań saqtalýy kerek erejeler kórsetiledi. Dárigerler aıtqan sanıtarlyq talaptardy qatań saqtaý qajettiligi týraly Qazaqstan musylmandary dinı basqarmasy men Pravoslavıe shirkeýi tıisti pátýa men eskertýler ázirledi», dedi mınıstr.
Sondaı-aq mınıstr jumys babymen qalada júretin jýrnalısterdiń jumys ornynan anyqtamasy bolýy tıis ekenin atap ótti.
«Arnaıylap BAQ redaksııalaryna aıtamyz. Qyzmetkerlerdi qashyqtan jumys isteýge jiberý qajet. Qalada jumys babymen júrý úshin jýrnalıster ózimen birge qyzmettik kýáligi jáne redaksııa tapsyrmasy týraly anyqtama bolýy qajet. Anyqtamany telefonnan da kórsetýge bolady. Dárigerge kórinýi kerek azamattar aýrýhanaǵa bara alady. Bul dáleldi sebep bolyp sanalady», dedi Dáýren Abaev.
Aıta ketý kerek, búgin Bas memlekettik sanıtarııalyq dárigerdiń 2020 jylǵy 22 naýryzdaǵy №26 qaýlysyna ózgerister men tolyqtyrýlar engizildi.
