Sálıma Jumabekova 1935 jyly Qarmaqshy aýdany, Aqjar aýylynda dúnıege kelgen. Eńbek jolyn 1953 jyly saýynshy bolyp bastap, alpysynshy jyldary dańǵaıyr dıqan Ybyraı Jaqaevtyń aımaq jastaryna úndeýin qoldap, qolyna ketpen alyp egin dalasyna shyqty. Eńbegi eskerilip, «Qurmet belgisi» ordenimen marapattaldy.
Dıqandyqtan aýyldyq keńes tóraǵasy qyzmetine deıin ósken Sálıma Jumabekqyzy ótken ǵasyrdyń jetpisinshi jyldarynan bastap keńse qyzmetin qaıtadan kúrishshilikke aıyrbastady. 1980 jyly dıqanǵa Sosıalıstik Eńbek Eri ataǵy berildi.
Onyń esimi Syr kúrishimen qatar atalatyn. Qurmettiń tórine eńbekpen jetken jandy eli de alaqanǵa salyp aıalady. Y.Jaqaev atyndaǵy Qazaq kúrish sharýashylyǵy ǴZI ǵalymdary shyǵarǵan kúrishtiń jańa sortyna «Dán padıshasy» atanǵan eńbekkerdiń esimi berilgen.
