30 naýryzdan bastap ár qalada bir-bir HQO daıyn qujattardy berý úshin biryńǵaı tereze retinde jumys isteıdi. Munda qazaqstandyqtar onlaın túrde kórsetiletin memlekettik qyzmetterdiń daıyn nátıjesin ala alady. eGov portalynda qyzmet nátıjesi qaǵaz túrinde beriletin 23 túrli memlekettik qyzmet bar.
Mamandandyrylǵan HQO-da da daıyn qujattardy berý terezeleri ǵana jumys isteıdi, onda avtokóligin qaıta tirkeýge qoıǵan nemese júrgizýshi kýáligin onlaın aýystyrǵandar daıyn qujattary men memlekettik tirkeý nómirin ala alady. Birneshe mamandandyrylǵan HQO-sy bar qalalarda (Almaty, Shymkent) qujattardy berý boıynsha bir mamandandyrylǵan HQO belgilengen.
Qyzmet alýshylardyń daıyn qujattaryn berý jumysyna «Azamattarǵa arnalǵan úkimet» memlekettik korporasııasynyń 400-ge jýyq qyzmetkeri tartylǵan. Olardyń barlyǵy qorǵanys jáne dezınfeksııa quraldarymen jabdyqtalǵan.
Daıyn qujattardy berý terezeleriniń jumys kestesi: dúısenbi-juma 9.00-den 17.00-ge deıin. Senbi – saǵat 9.00-14.00 aralyǵy.
Aıta keteıik, 21 naýryzǵa deıin halyqqa qyzmet kórsetý ortalyqtaryna ótinish tapsyrǵan azamattar daıyn nátıjelerin 29 naýryzǵa deıin alǵash júgingen HQO-dan ala alady.
