Memleket basshylary koronavırýs indetiniń taralý jaǵdaıynda saýda-ekonomıkalyq yntymaqtastyqtyń joǵary qarqynyn saqtaýǵa baǵyttalǵan birlesken sharalardy talqylady.
S.Jeenbekov Qyrǵyzstan azamattarynyń eline oralýyna, sondaı-aq, qazaq-qyrǵyz shekarasy arqyly júk tasymalyna kórsetken kómegi úshin Qazaqstan Prezıdentine rızashylyǵyn bildirdi. Prezıdent Q.Toqaev áriptesine Qazaqstannyń baýyrlas qyrǵyz halqyna odan ári kómek kórsete beretinin jetkizdi.
Sonymen qatar áńgimelesý barysynda elimizdiń ońtústik óńirlerindegi aldaǵy egin naýqany kezinde sý resýrstaryn birlesip paıdalaný máselesi talqylandy.
Barlyq máseleni jedel sheshý úshin eki eldiń Úkimetterine tıisti tapsyrmalar berildi.
Telefon arqyly sóılesýge qyrǵyz tarapy bastamashy boldy.
