Osy áleýmettik járdemaqyny jalaqysy saqtalmaıtyn eńbek demalysynda júrgen, sondaı-aq, shaǵyn jáne orta kásipkerlik sýbektileriniń qyzmetkerleri, jeke kásipkerler, jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator) jáne sonymen qatar biryńǵaı jıyntyq tólemdi tóleýshiler alýǵa quqyly.
Bir ereksheligi, áleýmettik járdemaqyny alý úshin qyzmetker shtatta jumys isteýi jáne áleýmettik saqtandyrý qoryna sońǵy jyldyń keminde úsh aıyna qarajat aýdarýy kerek.
Áleýmettik tólemderdi esepteý jónindegi qalǵan barlyq máselelerdi, onyń ishinde maýsymdyq jumystar toqtatylǵan jaǵdaıda, Almaty qalasynyń barlyq 8 aýdany boıynsha jumyspen qamtý jónindegi arnaıy shtabtar jeke tártippen sheshetin bolady.
Aınur Muqajanova atap ótkendeı, TJ rejımine baılanysty Almaty qalasynan tys qalǵan, biraq qalada jumys istegen adamdardan kóptegen suraqtar kelip túsýde. Aldyńǵy jyldyń sońǵy úsh aıyna áleýmettik saqtandyrý qoryna qarajat aýdarylsa, olardyń tirkelgen jáne turǵylyqty jerine qaramastan áleýmettik járdemaqy alýǵa quqyly. Eń bastysy – jumys berýshi olardy tizimge qosýy kerek.
Aýdandyq jáne qalalyq jumyspen qamtý shtabtaryna jumys berýshi ótinim beredi. Ol jalaqysy saqtalmaıtyn demalysta júrgen qyzmetkerlerdiń tizimin jasaıdy jáne «Elektrondyq úkimet» veb-portalynda «elektrondyq ótinish» servısi arqyly Jumyspen qamtý máseleleri jónindegi jergilikti organǵa ótinish beredi. Ol ótinishke TJ áreket etý kezeńinde qyzmettiń shekteýlerine baılanysty tabystyń joǵalý faktisin rastaıtyn qujattardy, qyzmetkerlerdiń tizimin, sondaı-aq jalaqysy saqtalmaıtyn demalys berý týraly buıryqtyń úzindi kóshirmesin qosa beredi. Jeke kásipkerler, jeke praktıkamen aınalysatyn tulǵalar jáne biryńǵaı jıyntyq tólemdi tóleýshiler qyzmetkerler tiziminde ózderin kórsetedi.
Búgingi tańda, Aınur Muqajanovanyń aıtýynsha, Almaty qalasynyń 37 kásiporny olardyń jumysshylaryna áleýmettik járdemaqy alýǵa ótinish bergen. Sońǵy eki kúnde bul másele boıynsha 400-ge jýyq adam júgindi. О́tinishti qaraýdyń eń uzaq merzimi-8-9 kún. Ár qyzmetker áleýmettik tólemderdi esepteý týraly aqparatty uıaly telefonyndaǵy SMS arqyly alady.
«Jumyssyz qalǵan barlyq azamattar «Elektrondyq úkimet» portaly arqyly onlaın tirkelip, tıisti ótinish bere alady jáne jumyssyzdyq boıynsha járdemaqy ala alady», - dep atap ótti Danııar Álkebaıuly.
