Aımaqtar • 28 Naýryz, 2020

Almaty qalasynda karantın rejımin kúsheıtý boıynsha qosymsha sharalar engizý týraly

350 retkórsetildi

Qazaqstan Respýblıkasy Prezıdentiniń janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń otyrysynda berilgen tapsyrmalardy iske asyrý maqsatynda, Almaty qalasy azamattarynyń ómiri men densaýlyǵyn qorǵaý jáne koronavırýstyq ınfeksııanyń (COVID-19) taralýyna jol bermeý úshin:

  1. Almaty qalasynyń aýmaǵynda 2020 jylǵy 28 naýryzda saǵat 00:00-den 6 sáýirde saǵat 00:00 mınýtqa deıin kelesi shekteý sharalary engizilsin: 

 1) qala boıynsha adamdar men kóliktiń qajetsiz júrip-turýyn shekteý;

Kelesi jaǵdaılardy qospaǵanda, qala boıynsha qozǵalysty shekteý:

- Ruqsat etilgen salalar tizimine engizilgen uıymdar úshin jumys ornynan anyqtama nemese qyzmettik kýáligi bolǵan jaǵdaıda turǵylyqty jerinen jumys ornyna deıin jáne keri qaraı júrip-turý;

Eskertý: jumys ornynan anyqtamada uıymnyń ataýy, BSN, qyzmet túri, tekserý júrgizý úshin jumys berýshiniń (uıym basshysynyń) nemese kadr bólimi qyzmetkeriniń aty-jóni jáne baılanys derekterin, turǵylyqty jerin kórsete otyryp, qyzmetkerdiń aty-jóni qamtylýy tıis.

 - tirkeý, sonyń ishinde ýaqytsha tirkeý jónindegi málimetterge sáıkes dúkende azyq-túlik taýarlaryn turatyn jerine jaqyn jerde qadamdyq qoljetimdilikpen satyp alý;

- tirkeý, sonyń ishinde ýaqytsha tirkeý jónindegi málimetterge sáıkes dárilik preparattar men medısınalyq buıymdardy turatyn jerine jaqyn jerdegi dárihanalarda qadymdyq qoljetimdilikpen satyp alý;

 - shuǵyl jaǵdaı boıynsha medısınalyq mekemege barý;

- tirkeý, sonyń ishinde ýaqytsha tirkeý jónindegi málimetterge sáıkes jaqyn jerde 500 metrden aspaıtyn radıýsta úı janýarlaryn serýendetý;

- tótenshe jaǵdaılar jáne adam ómiri men densaýlyǵyna qaýip tóndiretin basqa da jaǵdaılar bolǵan jaǵdaıda úıden shyǵý;

- jerleý qyzmetiniń qyzmetkerleri men kóligi, sondaı-aq 5 birlikten artyq emes avtokólikpen erip júretin 10 adamnan artyq emes prosessııa;

Eskertý: turǵylyqty jerinen qashyqtyqty baqylaý onlaın karta servısteri arqyly júzege asyrylady (2gis, Yandex kartalar, Google maps).

- týysqandaryna, tanystaryna, kórshilerine, áriptesterine jáne t.b. barýǵa jol berilmeıdi;

- bir otbasynan basqa, qoǵamdyq oryndarda úsh adamnan artyq toptarmen jınalýǵa jol berilmeıdi;

- táýekel tobyna kiretin jáne densaýlyǵymen Jalpy problemalary bar, sondaı-aq sozylmaly aýrýlary bar 55 jastan asqan adamdardyń, jáne 65 jastan asqan barlyq tulǵalardyń jumysqa shyǵýy barynsha shektelsin, olardy úıde oqshaýlaý rejımi qamtamasyz etilsin (qajet bolǵan jaǵdaıda Almaty qalasynyń Áleýmettik ál-aýqat basqarmasynyń jáne volonterlik uıymdardyń kúshimen arnaıy kútim kózdelsin);

- qala boıynsha kámeletke tolmaǵan adamdardyń eresekterinsiz qozǵalýyna jol berilmeıdi;

- halyqtyń jappaı jınalatyn oryndaryna, sonyń ishinde jaıaý serýendeýge arnalǵan jıi baratyn oryndarǵa (kóshelerge), saıabaqtarǵa, skverlerge, jaǵalaýlarǵa, alańdarǵa, balalar men sport alańdaryna jáne basqa da demalys oryndaryna barýǵa jol berilmeıdi;

- dinı ǵımarattarda (qurylystarda) Qudaıǵa qulshylyq etýdi, dinı joralardy, halyq kóp jınalatyn rásimder men jınalystar ótkizýge (jasaýǵa) jol berilmeıdi.

2) qalanyń tynys-tirshiligin qamtamasyz etý úshin qajetti jumystardy qospaǵanda, barlyq uıymdar men kásiporyndardyń jumysyn ýaqytsha toqtata turý:

Ruqsat etilgen qyzmet túrleriniń tizimine engizilmegen salalardyń barlyq uıymdary men kásiporyndary 2020 jylǵy 30 naýryzdan 5 sáýirge deıin ádettegi jumys rejımin toqtata turýy tıis.

Ýaqytsha jabylýǵa jatpaıtyn uıymdar men kásiporyndar úshin ruqsat etilgen qyzmet túrleriniń tizimi:

- densaýlyq saqtaý júıesi, sonyń ishinde:

aýrýhanalar;

zerthanalyq qyzmetter;

 dárilik preparattar men medısınalyq buıymdardy sertıfıkattaý;

úıde medısınalyq qyzmet kórsetýdi júzege asyratyn mekemeler;

mal dárigerlik jáne mal sharýashylyq jedel járdem qyzmeti.

- qalalyq ınfraqurylym jáne kommýnaldyq qyzmetter, sonyń ishinde:

 elektrmen jabdyqtaý, jaryqtandyrý;

sýmen jabdyqtaý jáne sý burý;

gazben jabdyqtaý;

jylýmen jabdyqtaý;

1-JEO, 2-JEO jáne batys jylý kesheniniń kózderi;

iri jáne shaǵyn qazandyqtar;

órtke qarsy jáne avarııalyq-qutqarý qyzmetteri;

turǵyn úı qoryn jáne kommýnaldyq obektilerdi basqarý salasyndaǵy basqarý organdarynyń qyzmetteri (basshylar, santehnıkter, elektrıkter, ınjenerler, aýla tazalaýshylar, KPTÚ, onyń ishinde qaýipti tehnıkalyq qurylǵylarǵa qyzmet kórsetý jónindegi avarııalyq-tehnıkalyq qyzmetter);

 kósheler men úı-jaılardy jınaý; qoqystar men qaldyqtardy jınaý, óńdeý jáne kádege jaratý; dezınfeksııa;

jol júrisin retteýdiń tehnıkalyq quraldarynyń jumys isteýin qamtamasyz etetin uıymdar; telekommýnıkasııa (ınjenerlik qyzmet qyzmetkerleri úshin (uıaly baılanystyń bazalyq stansııalaryn ornatý jáne salý, jóndeý brıgadalaryn, kommýnıkasııa jelilerin basqarý jáne tehnıkalyq qoldaý ortalyǵy karantın kezeńinde barlyq jabyq obektilerge, onyń ishinde bazalyq stansııalar jáne (nemese) baılanys operatorlarynyń jabdyqtary ornalasqan saýda obektilerine kirýin qamtamasyz etsin);

 tek resmı tirkelgen taksı qyzmetin qosa alǵanda, kólik qyzmetteri (kólik tıisti belgilermen jabdyqtalýy tıis);

 áýejaılar;

 temir jol stansııalary men kásiporyndary (lokomotıv brıgadalarynyń músheleri, sondaı-aq temir jol tasymaldaý prosesterine qatysatyn tulǵalar men kásiporyndar);

poshtalyq, kýrerlik jáne júk tasymaly; áleýmettik qamsyzdandyrý.

 - óńdeý ónerkásibi jáne aýyl sharýashylyǵy:

birinshi qajettilik taýarlaryn jáne osy taýarlar úshin oraý materıaldaryn óndirýdi qosa alǵanda, tamaq ónerkásibi;

aýyl jáne jylyjaı sharýashylyǵy;

býyp-túıý materıaldaryn óndirýdi qosa alǵanda, dárilik preparattardy óndirý;

medısınalyq jabdyqtar men quraldar, sanıtarlyq gıgıena ónimderi;

qaǵaz buıymdary;

jeńil ónerkásip (tek jeke qorǵaný quraldaryn óndirý boıynsha).

 - bólshek saýda, tamaq jáne qurylys qyzmetteri:

azyq-túlik dúkender;

 dárihanalar;

JJMS;

meıramhanalar, barlar, kafeler, ashanalar tek ruqsat etilgen sektor sheńberinde óz betinshe shyǵarý nemese jetkizý úshin – saǵat 09:00- den 22:00-ge deıin jumys isteýge ruqsat etiledi;

Almaty qalasynyń aýmaǵynda obektilerdi salý.

Eskertý: engizilgen karantın jaǵdaıynda sanıtarlyqepıdemıologııalyq talaptardy saqtaý shartymen kúrdeli qurylystardaǵy azyq-túlik bazarlarynyń jumysy ruqsat etilgen.

- basqa qyzmetter: halyqqa azyq-túlik, dári-dármek jáne medısınalyq buıymdardy, sondaı-aq birinshi kezekte qajetti taýarlardy jetkizý servısteri-saǵat 09:00-den 22:00-ge deıin jumys isteýge ruqsat etiledi;

óndiristerge, tamaq ónimderine, dárilik preparattarǵa jáne medısınalyq buıymdarǵa arnalǵan shıkizatty qoımalaý jáne dıstrıbýsııalaý;

advokattar men sot-medısınalyq sarapshylar; qonaq úıler, hostelder (qyzmetkerlerdi kazarmalyq rejımge jáne karantındelgen naýqastardy ornalastyrý úshin ǵana);

jataqhanalar (qyzmetkerlerdi kazarmalyq rejımge jáne karantındelgen naýqastardy ornalastyrý úshin ǵana);

qarttar úıi;

balalarǵa arnalǵan baspanalar, sondaı-aq karantındegi bilim berý uıymdary;

úısizderge arnalǵan baspanalar;

janýarlarǵa arnalǵan baspanalar;

salttyq qyzmet kórsetý agenttikteri, krematorııalar men zırattar;

basylymnyń bas redaktory qol qoıǵan qyzmettik kýáliktiń jáne redaksııalyq tapsyrmanyń túpnusqasy bolǵan jaǵdaıda BAQ ókilderi;

qaıyrymdylyq jáne volonterlik uıymdardyń;

lısenzııalanǵan kúzet qyzmetteri;

- Almaty qalasy PD, Almaty qalasy TJD, Almaty qalasy prokýratýrasy,

 Almaty qalasy boıynsha UQKD, Almaty qalasy boıynsha QR UQK ShQ (jaǵdaı týyndaǵan kezde Almaty oblysynda ornalasqan bólimsheleri), QR MQQ, Almaty qalasy boıynsha UQKD, Almaty qalasy ETD, QR Ulttyq Ulan jáne QR QM qyzmetkerleri, Almaty qalasy ÁD, Almaty qalasynyń sottary, Almaty qalasy QD jáne Almaty qalasynyń jergilikti áskerı basqarý organdarynyń qyzmetkerleri, Almaty qalasy boıynsha Sot saraptamasy ınstıtýtynyń qyzmetkerleri;

- memlekettik basqarý organdary.

Eskertý: eger mekemeniń (uıymnyń) qyzmet salasy joǵaryda atalmasa, biraq osy mekemeniń (uıymnyń) basshysy mekemeniń (uıymnyń) qyzmeti qala turǵyndary men tirshilikti qamtamasyz etý úshin mańyzdy dep eseptese, Almaty qalasynyń Dedel shtabyna negizdelgen jazbasha suraý salý usynýy qajet.

 

3) qoǵamdyq kóliktiń jumys kestesin ózgertý;

 Qoǵamdyq kólik shekteýli rejım sheńberinde saǵat 06:00-den 19:00-ge deıin qozǵalystaǵy jyljymaly quramnyń sanyn 50%-ǵa azaıtý jáne qozǵalys ıntervalyn ulǵaıtý arqyly qyzmet etetin bolady.

Resmı taksı qyzmetteriniń jeńil kóligindegi (tıisti belgilermen jabdyqtalǵan) adam sany 2-den aspaýy tıis, jolaýshylar bir-birinen jáne júrgizýshiden barynsha alys qashyqtyqta shahmat tártibimen ornalasýy tıis.

 

4) Almaty qalasyna kirip-shyǵý rejımin ózgertý;

Kúsheıtilgen karantın rejımi «Almaty qalasynyń ótkizý júıesiniń jadynamasyna» sáıkes qyzmetterdiń blok-beketter arqyly ótýine ruqsat etilgen qyzmetkerlerdiń qalaǵa kirip-shyǵýyn joıýdy kózdeıdi.

 JShADB-daǵy qyzmetkerler týraly derekter bolǵan kezde mynadaı jaǵdaılar:

– telekommýnıkasııalar: qala sheginen tys bazalyq stansııalarǵa qyzmet kórsetý úshin kommýnıkasııa jelilerin basqarý jáne tehnıkalyq qoldaý qyzmetkerleri;

– birinshi basshy qol qoıǵan qyzmettik tapsyrma negizinde Almaty qalasynan tys jerde mindetterin oryndaıtyn QR Ulttyq ulanynyń áskerı qyzmetshileri;

– júk kóligi;

– kommýnaldyq qyzmetterdiń, energııa kesheniniń jáne ózge de arnaıy qyzmetterdiń arnaıy tehnıkasy;

– Almaty qalasy Jedel shtabynyń Arnaıy derekter bazasyna (budan ári – JShADB) engizilgen basqa qyzmetterdiń qyzmetkerleri úshin aıryqsha jaǵdaı belgilenedi. Qalanyń tynys-tirshiligin qamtamasyz etý úshin qala syrtynda turatyn mańyzdy qyzmetterdiń qyzmetkerlerin qalada kazarmalyq rejımde arnaıy bólingen oryndarda ornalastyrý uıymdastyrylady. Qyzmetkerlerge kazarmalyq rejımde ornalasý týraly aqparatty olardyń basshylary (jumys berýshiler) jetkizýi tıis. Kazarmalyq rejımde ornalastyrylǵan qyzmetkerler úshin barlyq sanıtarlyq-epıdemıologııalyq normalar saqtala otyryp, olardy ornalastyrý ornynan jumys ornyna deıin jáne keri qaraı tasymaldaý baǵyttary ázirlenetin bolady.

 

5) qalany aýqymdy aǵymdaǵy dezınfeksııalaýdy júzege asyrý;

 Aǵymdaǵy dezınfeksııa kelesi aýmaqtardy:

– karantın qoıylǵan emdeý mekemelerin – seısenbi jáne senbi kúnderi aptasyna 2 ret;

– azyq-túlik bazarlaryn – seısenbi jáne senbi kúnderi aptasyna 2 ret;

 6 – trotýarlar, joldar jáne olarǵa irgeles aıaldama keshenderi, jol qıylystary, saýda alańdarynyń syrtqy elementteri men ýchaskelerin (azyq-túlik dúkenderi) – kestege sáıkes;

– turǵyn úı kvartaldarynyń kireberisteri men aýla aýmaqtaryn – kestege sáıkes jáne Almaty qalasy turǵyn úı saıasaty basqarmasynyń basshylyǵymen óńdeýdi/óńdeý jıiligin qamtamasyz etýdi kózdeıdi.

 Árbir aýdan boıynsha aýmaqty óńdeýdiń jalpy kestesin Almaty qalasy aýdandarynyń ákimderi jáne olardyń apparattary jáne dezınfeksııalyq óńdeýge tartylǵan basqa da uıymdar usynady. Aǵymdaǵy dezınfeksııany Qazaqstan Respýblıkasy Qorǵanys mınıstrliginiń arnaıy Dezınfeksııalaý jasaqtary júrgizedi, prosedýra barlyq tartylǵan qyzmetter – Taýarlar men kórsetiletin qyzmetterdiń sapasy men qaýipsizdigin baqylaý departamenti, Qoǵamdyq densaýlyq basqarmasy jáne Almaty qalasy Turǵyn úı saıasaty basqarmasymen kelisilgen.

Dezınfeksııa júrgizý kezinde densaýlyqqa zııan keltirmeý úshin óńdeýden keıin 5 saǵat ishinde kóshege shyqpaý usynylady.

Almaty qalasy aýdandarynyń ákimderi men olardyń apparattary jáne Almaty qalasy Jedel shtabynyń «Kommýnıkasııa jáne aqparat» baǵyty boıynsha jumys toby halyqpen (BAQ, áleýmettik medıa, bannerler, kireberisterdegi paraqshalar) ýaqtyly baılanys jasap otyrady.

 

  1. Almaty qalasy Polısııa departamenti:

1) joǵaryda kórsetilgen talaptardyń buzylýy nemese oryndalmaýy anyqtalǵan jaǵdaıda óz quzyreti jáne QR qoldanystaǵy zańnamasy sheńberinde dereý sharalar qabyldasyn;

2) azamattardyń qoǵamdyq oryndarda, saıabaqtarda, skverlerde jáne t.b. jerlerde bolýyna jol bermeý maqsatynda engizilgen shekteýlerdiń saqtalýy úshin patrýldeýdi uıymdastyrsyn;

3) qalaǵa jaıaý kirý múmkindiginiń jolyn kese otyryp, karantındik aımaqtyń tolyq qorshalýyn qamtamasyz etsin;

4) neǵurlym qatań sanksııalarǵa ótsin, sondaı-aq aldyn alý maqsatynda osy faktilerdi BAQ-ta keńinen jarııalasyn;

5) qoǵamdyq keńistikterdi patrýldeý, olardy jaryqtandyrý jáne beınebaqylaýmen jabdyqtaý sharalaryn kúsheıtsin;

6) qajet bolǵan jaǵdaıda basqa baǵyttardyń kúshin qaıta bóle otyryp, polısııanyń barlyq quramyn jumyldyrsyn;

7) zańdylyqty, quqyqtyq tártipti jáne qylmysqa qarsy kúresti qamtamasyz etý, tótenshe jaǵdaı kezinde sot tóreligin iske asyrý jónindegi algorıtmdi ázirlesin;

8) qaýesetter men arandatýshylyq aqparattyń jolyn kesý jónindegi jumysty erekshe baqylaýǵa alsyn. Mundaı málimetterdi taratýdyń kez 7 kelgen áreketiniń qatań túrde joly kesilýi, avtorlary anyqtalyp, jazalanýy tıis;

9) qalada jol qozǵalysy qaýipsizdigin qamtamasyz etsin.

 

  1. Almaty qalasy Qoǵamdyq densaýlyq basqarmasy:

1) sozylmaly aýrýlary bar naýqastardyń úıde medısınalyq qamtamasyz etýdi uıymdastyra otyryp, bastapqy medısınalyqsanıtarııalyq kómek kórsetetin uıymdarǵa barýyn shektesin. Osy uıymdardyń jumysyn tek aýyr syrqaty bar naýqastar úshin qamtamasyz etsin;

2) pandemııa damýynyń ártúrli ssenarıılerine, onyń ishinde qala ákimine baıandaý úshin eń pessımıstik ssenarıılerge baılanysty dárilik zattarmen qamtamasyz etilýin zerdelesin.

 

  1. Almaty qalasynyń Kásipkerlik jáne ınvestısııalar basqarmasy Energetıka jáne ınfraqurylymdyq damý basqarmasymen jáne Qalalyq jumyldyrý basqarmasymen birlesip shuǵyl túrde:

1) sharýashylyq júrgizýshi sýbektilerdiń, saýda obektileriniń, kommýnaldyq qyzmetterdiń jáne ózge de uıymdardyń basshylarymen karantın aımaǵyna kirýge jáne shyǵýǵa shekteýlerdi kúsheıtý týraly túsindirý jumystaryn júrgizsin. Karantındik aımaqtan tys jerlerde turatyn qyzmetkerlerdi turǵyn úımen qamtamasyz etý máselesin aldyn ala pysyqtasyn;

2) kezek boıynsha júıeli jumysty uıymdastyrsyn jáne azyq-túlik bólimderine kirý aldynda kezekte qashyqtyqty saqtaý týraly aqparattyq tablony ornatsyn;

3) qalanyń dúkenderinde, sýpermarketterinde jáne saýda úılerinde barlyq kassalardyń aldynda 2 metrden keıin qozǵalys jolaqtary men qashyqtyq syzyqtary – «Jol tańbasyn» ornalastyrýdy qamtamasyz etsin;

4) jolaýshylarǵa medısınalyq maskasyz qoǵamdyq kólikke kirýdi shektesin.

 

  1. Almaty qalasy Tótenshe jaǵdaılar departamenti Almaty qalasy Qoǵamdyq damý basqarmasymen birlese otyryp, halyqty qosymsha qabyldanǵan shekteý sharalary týraly habardar etý maqsatynda, tele-radıo arnalary men kábildik teledıdar, sondaı-aq daýys zoraıtqyshtar arqyly daýystyq habarlaý arqyly qalalyq habarlaý júıesin iske qossyn.
  2. Almaty qalasynyń barlyq aýmaqtyq memlekettik organdary men olarǵa vedomstvolyq baǵynystaǵy uıymdary, zańdy tulǵalary (menshik nysanyna qaramastan):

1) jumys kúnin barynsha qysqartsyn;

2) óz qyzmetkerleri men klıentteriniń qaýipsizdigin qamtamasyz etsin:

 - úı-jaıdy ylǵaldy jınaý jáne dezınfeksııalaý kúnine 2 retten kem emes;

- dúkenderdiń, dárihanalardyń, medısınalyq mekemeler men basqa da uıymdardyń kire beristerinde sanıtaızerler ornatý;

– úı-jaı ishindegi adam sany boıynsha shekteý qoıý – 20 sharshy metrge 1 adamnan artyq emes;

 - azyq-túlik dúkenderine jáne dárihanalarǵa bir paıyzdyq kirý 2 adamnan aspaıdy;

- úı-jaıdyń ishinde jáne syrtynan adamdar arasynda keminde 2 metr qashyqtyqty saqtaýdy baqylaý;

- úı-jaıdyń ishinde jáne syrtynda kezekte 5 adamǵa deıin shekteýdiń saqtalýyn baqylaý;

 - úı-jaıǵa jeke qorǵaný quraldarynsyz (medısınalyq maskasyz) kirýge jol bermeý.

 

Karantın erejelerin buzǵany úshin jaýapkershilikke tartý:

Karantınniń belgilengen sharalary men shekteýlerin oryndamaý úshin ákimshilik jaýapkershilik qarastyrylǵan (ÁQBtK-niń 476-baby – 10 AEK aıyppul nemese 15 táýlikke deıin qamaýǵa alý).

Tótenshe jaǵdaı kezinde bılik ókiliniń zańdy talabyna baǵynbaý úshin qylmystyq jaýapkershilik qarastyrylǵan (QR QK 379- baby – 2 myń AEK aıyppul nemese 2 jylǵa bas bostandyǵynan aıyrý).

Sanıtarııalyq qaǵıdalardy abaısyzda adamdardyń jappaı syrqattanýyna ákep soqqan buzý úshin (QK-niń 304-baby – 2 myń AEK-ke deıingi mólsherde aıyppul nemese 2 jylǵa deıingi merzimge bas bostandyǵyn shekteý).

Qala kóshelerin quqyq qorǵaý organdary men QR Ulttyq ulanynyń kúshi, sondaı-aq QR Qarýly Kúshteriniń bólimsheleri táýlik boıy kúzetetin bolady.

Sońǵy jańalyqtar

Erlikti dáripteıtin qomaqty qor

Rýhanııat • Búgin, 20:12

Eki qylmystyq top ustaldy

Aımaqtar • Búgin, 17:45

Bıyl elimizde 4 vızıt-ortalyq ashylady

Rýhanııat • Búgin, 16:01

Qazaqstanda Ekologtar kúni atap ótildi

Aımaqtar • Búgin, 15:57

Onlaın sóılesýdiń mádenıeti

Qoǵam • Búgin, 15:55

Balalar úıindegi izgilik sharasy

Aımaqtar • Búgin, 15:47

Eltańba tarıhy talqylandy

Rýhanııat • Búgin, 14:54

Senat Tóraǵasy AQSh elshisimen kezdesti

Parlament • Búgin, 14:38

Uqsas jańalyqtar