Qurmetti qala turǵyndary! О́zderińiz biletindeı, koronavırýs tez tarap, aýyrǵan adamdardyń sany artyp keledi. О́kinishke qaraı, adam shyǵyny da bar. Indet kesirinen qaza bolǵan kisiniń otbasyna kóńil aıtamyz. Dárigerler qolynan kelgenniń bárin jasady. Bul oqıǵa ınfeksııanyń qanshalyqty qaýipti ekenin taǵy bir ret kórsetti.
Birinshiden, Ol aýrýhanany qazir karantınge japtyq, keıbir dárigerler de karantınge jatty. Taǵy bir karantınge jabylǵan nysan – ol №1 avtobýs parki. Monıtorıng barysynda atalǵan mekemeniń jumysshysy vırýs juqtyrǵany anyqtaldy. Qala turǵyndarynyń qaýipsizdigi úshin avtopark jumysshylary teskerýden ótedi. Mekeme aýmaǵyna jáne avtobýstarǵa dezınfeksııa jumystaryn júrgizdik. Biz bul qaýipti tártip pen qatań sharalarsyz eńsere almaımyz.
Ekinshiden, 30 naýryz ben 5 sáýir aralyǵynda qoǵamdyq kólikter toqtaıdy. Avtopark jumysshylarynyń densaýlyǵy tekseriledi. Baıqaǵanymyz, mereke kúnderinen keıin kóshedegi halyqtyń qarasy kóbeıdi. Azamattardyń oqshaýlanýyn qamtamasyz etý maqsatynda memlekettik komıssııanyń sheshimimen 30 naýryz ben 5 sáýir aralyǵy jumyssyz apta bolyp jarııalandy. Medısına, quqyq qorǵaý jáne qala ómirin qamtamasyz etetin kommýnaldyq sharýashylyq qyzmetkerleri jumysyn jalǵastyra beredi. Infeksııamen kúrestiń aldyńǵy shebinde júrgenderdi tasymaldaý úshin kólik uıymdastyrýǵa kómektesemiz.
Úshinshiden, azyq-túlik alýǵa, dárihanalarǵa barýǵa, medısınalyq qyzmet alýǵa jáne ruqsat etilgenderge jumysqa barýǵa ǵana ruqsat etiledi. Basqanyń bári shekteledi, úıden shyǵýǵa bolmaıdy. Bir aıta ketetini, bul endi jaı ǵana ótinish emes, árbir adam qatań saqtaýy tıis Tótenshe jaǵdaıdyń tártibi. Endi qala kóshelerin patrýldik qyzmet qadaǵalaıdy. Áldekimniń jaýapsyzdyǵy basqa adamdardyń ómirine qaýip bolmaýy tıis!
Tórtinshiden, 25 naýryzdan bastap zeınetkerlerdiń, dıspanserlik esepte turǵan azamattardyń úılerine dári-dármek, qorǵanys quraldaryn jáne azyq-túlikti tasymaldaý jumystary júrgizilýde. О́tinishter iKomek 109 qyzmeti arqyly qabyldanyp jatyr. Azyq-túlik dúkenderi jumys isteı beredi.
Besinshiden, kámelet jasyna tolmaǵan balalardyń úlken adamdarsyz kóshede júrýine tyıym salynady. 6 sáýirden bastap oqýshylardy onlaın formatpen oqýǵa kóshiremiz.
Altynshydan, saıabaqtar, skverler, jaǵalaýlar, kóshedegi balalar oınaıtyn alańdar, taǵy basqa qoǵamdyq oryndardyń barlyǵy jabyq.
Qurmetti qala turǵyndary! Qoǵamdyq tártipti saqtaý – árqaısymyzdyń azamattyq paryzymyz! Temirdeı tártipten basqa jol joq. Jaqyndaryńyzdyń jany qınalǵanyn kútpeńizder. Qazirden bastap qamdanǵan jón!
